نكته من أول افتكاسة
موجه يستخرج خطاب ندب لمعلمه في اجازة وضع منذ شهرين
يعنى حضرتك ما بتروحش المدرسة وما تعرفش ان في معلمه حاصلة على اجازة
ولا يمكن في حاجه تانية ان معلمه لها واسطه تنتدبها للمدرسة دي ولما ترجع المعلمة من أجازة الوضع تنفذ خطاب الندب .
يا سيادة الموجه والله مش هيحصل حاجه لما تقعد مع المعلمين بالمدرسة مثلا اذا كانوا ستة ولا سبعة وفي معلم مش مستكمل نصابه وتقولهم انك هتعمل ندب من الأحدث للأقدم في كل عام من فلان لفلان حتى تدور مرة أخرى على الأحدث والله ما حدث هيمتنع وحتى ممكن يكون معلم او معلمه عنده ظروف زميله يوافق انه ينتدب مكانه هذا العام طالما انه حس ان في عدل في الانتدابات وكله هيستكمل نصابه علشان احنا متفقين ان القرار الوزاري قال بحد أقصى عامان بالتناوب يعنى ما فيش أقدمية والأحدث يفضل طول عمره رحاّل كده لحد ما يعينوا دفعة جديدة
واعمل بعدها محضر بكل ما قلته وكيفية الندب بالترتيب ومضي عليه المعلمين وبكده انت قربت من المعلمين ومبقاش في مشكلة من الانتدابات واستريحنا
واعتقد كده ان ما فيش معلم هيحس بالظلم ولو فيهم واحد رفض اعمله نقل وريح زملائه منه

نقلا عن أ/ سعيد حماد

التوجية المالى والاداري