نشر موقع السبورة خبرا عن الغاء مكافأة الامتحانات بعد الغاء شهادة الصف السادس الابتدائي وجعلة سنة نقل عادية زاعما انة نقلة من مصادر خاصة بداخل وزارة التربية والتعليم
نص الخبر كما نشرة السبورة

كشفت مصادر بوزارة التربية والتعليم لموقع السبورة أن مسئولى الوزارة يدرسون الغاء مكافآت الامتحانات بالمرحلة الابتدائية، خاصة بعد قرار الوزير الدكتور طارق شوقى بجعل الصف السادس سنة نقل عادية وليست شهادة.

وأضافت المصادر أن السبب وراء الغاء مكافآت الامتحانات بهذه المرحلة يعود الى اعتماد الصف السادس الابتدائى سنة نقل عادية، بالاضافة الى مقترح الغاء الامتحانات على صفوف النقل "الأول والثانى والثالث" الابتدائى.
وقد تباينت ردود المعلمين على هذا الخبر وجاءت كالاتي:


Abdo Elmazon لا يا استاذ امتحانات الصف السادس ملهاش دخل بالمكافأة دى لها ٥٠ جنية على الملاحظة وزيهم للتصحيح يعنى حاجة آخر مسخرة مش عايزينهم اما مكافأة الامتحانات على مدة زمنية طويلة دا حتى اللى واخد وضع او مرضى بياخد المكافأة السبورة دى طلعت سبورة تعبانة لا تصلح للكتابة عليها

إدارة
Sameh Eltawab يا جماعة يقصد الخمسين ملطوش اللي بناخدهم كل تيرم بالنسبة لينا إحنا البيساريه كنا بنصرف قدهم أربع مرات فطار ومواصلات الدور والباقي ع حيتان الكنترول المركزي هيعيطوا ههههههههههه

إدا
آلاء مجدي الفقي الحمد لله علي كلك حال
يارب وأتمني من كل قلبي إن مشاكل المعلمين تتهد بحل مناسب ورواتب المعلمين يكون راتب حساس زي أي راتب بالدولة ‘والعموم مكافأة الإمتحانات لا هي ضروره ولا رواتب المعلمين حاليا معقولة
فأرجوا من الله أن أتقاضي حقي قبل أن يجف عرقي.

Magda Rezk بلاش بلبلة وترديد اخبار مغلوطة وابقوا اتحققوا من الاخبار حتى لا تفقدوا المصداقية اللى هيتوفر هو فلوس المراقبة على الامتحانات الصف السادس وفلوس التصحيح اللى كانت اصلا ما بتجبشى همها ولا بتغطى مصاريفه وهى حوالى خمسين جنيه

Zozo Zozo اتقوا الله فى المعلمين حرام عليكوا بعد كده شيلوا المرتب كمان ربنا ينتقم من الا قاعدين على المكاتب وبيصدروا قرارت ومش حاسين قد ايه انتوا بتهينوا التعليم والمعلمين حسبى الله ونعم الوكيل احنا لحد اليوم لم نقبض مرتباتنا

عائشه محمد منير نعم . مين. اصلها ناقصة ده ع اساس انها مبلغ محترم ! مش بقالها 3 سنين بتيجي ناقصة واللى بقاله 20 سنة بيشتغل مكافأته طووول السنة مش محصلة مرتب شهر ل موظف بيشتغل في وزارة محترمة

Mona Liza مكافأه امتحانات الصف السادس ستوفر ملايين كانت بتتصرف للكنترولات واعضاء الكنترول من التعليم الابتدائى والمعارف والجيران وكل من هو مرضى عنه لازم يتجامل حتى بدون عمل هذا بخلاف جميع القيادات بالمديريه او الاداره -------------- لان ده موسم الحصاد والمجاملا...

Ali Megahed Abdallah دا موقع السبوره اللى قال من شهر مرتب المعلم المساعد 4الاف جنيه

Doaa Elsamragy لا حول ولا قوه الا بالله هو اى هرى وخلاص هو احنا ناقصين بالاوى بلا سبورة بلا كلام فارغ

Mamdouh Ibrahim ومش مكسوف من نفسه وهو بيقول مكافأة