مبدئيا في كام حاجة كدة لازم تاخد بالك منها
-يلا دلوقتي قول في سرك هدفك واتحد نفسك وقول هيتحقق يعني هيتحقق
-بالنسبة بقي للمدرسين لازم تختار المدرس بكل دقة لانك هتقعد معاه 11شهر هتشوفوا اكتر من عائلة ابوك والله خد وقتك في الاختيار مش من اول حصة لاااا من 4حصة مثلا وبعدين قرر متجريش وراة المدرس اللي عندو طلاب كتير زي أينشتاين الفزياء وارسطو الفلسفة ومحمد علي التاريخ روح عند المدرس اللي شرحه كويس والمدرس اللي من غير اهتمام وحل وامتحانات صفر علي الشمال
-المواد بقي اوع تيجي علي مادة علي حساب مادة ذاكر كل المواد اهتم بالعربي جدا وخاصة النحو امتحان العربي سهل جدا بس التكات بتبقي في النحو والانجليزي اهتم بيه اوي وهات كتب كتيررررة فيه وحل كتيررررر في حاجة بقي المدرسين بيعملوها بيهتموا بالكلمات والجرمر بس دة غلط لازم تحل speaker والمواقف والقطعة والبراجراف والترجمة
Choose, Find, story اهتم بكل الاسئلة
اهتموووووا بالعربي انجليزي لغة تانية من اول السنة لان دول بيبقي صعب يتلموا في الاخر المواد التانية اخر شهر بتتلم بس متعملشي كدة اهتم بكل المواد قولت
- الصحاب ي ابو الصحاب بصي ي انسة وبص ي استاذ انت كبير كفاية عشان تكون عارف مصلحتك عارف مين هيضرك ومين بيحبك السنة دي هتعرفك مين صحابك اللي عايزين مصلحتك ودول قليلين اوي ومين صحاب المصلحة هتلقي منافسات كتير اوي بنكم ونفوس سودا بص فكك من كل دة اضحك وهزر مع صحابك واخرج بس عند المذاكرة دي حاجة بتحتك لوحدك
حط في دماغك ان محدش من صحابك هيكون عاوزك احسن منة
-وقت المذكرة ما فيش وقد معين للمذاكرة الوقت اللي انت عقلك هادي ومرتاح ذاكر انا بالنسبالي كنت بحب وقت الفجر اصلي واقعد اذاكر اوع اوع تعمل جدول مذاكرة اقسم بالله ما هتمشي علية انا عملت 8جدول في السنة دي وبيتحط في الدرج مافيش حاجة اسمها هذاكر كام ساعة ذاكر الدرس وحل علية اي كان الوقت
-في ناس دلوقتي في 2و1ث كانوا مش شاطرين ودول خايفين من 3 بص ي ابني السنين اللي فاتت مش مقياس 3والله انت تذاكر وتعمل اللي عليك هتجيب مجموع حلو ما فيش حد شاطر وحد فاشل في حد بيذاكر وحد مابيذاكرشي
-معظمكم بقي مستني بسرعة السنة تبدا وانا هذاكر 10ساعات وهخربها مذاكرة بص ي ابني بلاش تشد اوي وتدخل بالحماس دة عشان هتحصلنا وتيجي اول شهر واحد وتانتخ ومش هتقدر تكمل انت ذاكر علي قد دروسك وبعدين اخرج والعب واتفرج علي التلفزيون وافتح سوشيال المهم تكون مخلص
-السنة دي هتقربك من اهلك جدا هيعملولك كل حاجة ابوك هيشقي ليل نهار عشان فلوس الدروس امك هتعملك الاكل اللي بتحبة فعشان خاطر الناس دي حاؤل تفرحهم دة غير فترة الامتحانات هتشوف كمية اهتمام غير طبعية انا اقسم بالله من كمية الاهتمام والحب والخوف اللي شفتها كان نفسي ارجع السنة من الاول عشان اقعد 24ساعة علي الكتاب
-هتيجي عليك فترة احباط واكئاب وعياط في ناس بتستسلم وناس بتكمل خليك الشاطر وقوم تاني وصلي وقرب من ربنا اوي هو هيحسسك بالامان والراحة
-اوع تفكر تقسم السنة اوع اقسم بالله ناس كتير ندمت هي سنة خدها جد هتفووووووت بسرعة الضوء والله
-انتوا دروسكم اول 8 عيشووووا الشهر دة اخرجوا اتفرجوا علي التلفزيون العبووووا انتوا هتعملوا برضوا كدة بس نفسيتك هتكون تعبانة مش هتحس بمتعة
-لو حسيت انك قصرت مثلا في وقت اوع تقول انا خلاص وقعت لا والله هتقدر تقوم وتخلص حتي لو قاعد شهر انا كنت وقع مني 4باب تاريخ ومن شهر 5وانا بقول مش هلحق ومش هخلص فضلت الفكرة معاية لحد الامتحانات كنت واثقة هشيل التاريخ كان قاعد علي امتحان التاريخ يومين ونص والله العظيم لمتهم وحليت عليهم كمان انتوا متخيلين يعني انا قاعدة شهر اقول مش هلحق واجي في يومين المهم بغض النظر ان الامتحان كان زفت وربنا يستر
-عايز تنجح في السنة دي ابعد عن التوتر ابعد والله هيدمرك واسئل مجرب
-Finally ثانوية عامة مش بعبع
ربنا معاكم كلكم يارب تبقي سنة سهلة عليكم واحسن من اللي قبلكم يارب اكون قدرت افدكم ب اي حاجة
عااااافر هتوصل هتكون هتقدر تحقق حلمك انت قدها ي بطل
اسفة اني طولت عليكم بس انا كنت مكانك وكنت محتاجة النصيحة زيكم دعوة بقي الله يخليكم للنتيجة
By.Rofaida
منقول
