السلام عليكم.....اسئلة مهمه

1) ازاى إطلع حرف ساكن من جملة مفيهاش تشكيل
هنقوم ندور على كلمة فيها لام قمرية لأن حرف اللام فيها ساكن دايما وابدا
طب مفيش يبقى لام شمسية ....ايه؟؟؟ اه والله لأن الحرف اللى بعدها مشدد واى
شدة تنفك بساكن وحركة
2 ) طب ازاى اطلع شدة؟ ؟؟ ما انا لسه قائلة بعد اللام الشمسية لازم فى شدة
3 ) ازاى اعرف اللام دى شمسية ولا قمرية ؟؟؟ نحفظ حروف الشمسية بأغنية
احنا حروف أخوات أخوات ال ت ث / د ذ/ ر ز/ س ش /ص ض /ط ظ وننط نجيب ال ل و ال ن
يبقى باقى الحروق قمرية اللى متجمعين فى كلمة (جحا غبى وقع مخه فك)
4 )ازاى اعرف أن الكلمة نهايتها تاء مربوطة ة ولا هاء مربوطة ه فى الإملاء
طبعا معروف أن التاء المربوطة تنطق هاء وتكتب تاء علشان كده بتلخبط
سهل جدا تزود للكلمة ياء ملكية وانطقها هتظهر على طول فى النطق
مثال كلمة اله /وجه ......تصبح الهى/ وجهى اذا هى هاء
لكن حديقة /أسرة ......تصبح حديقتي /اسرتى اذا هى تاء مربوطة
5 )ازاى اعرف ان النون اللى فى آخر الكلمة أصلية ولا نون كدابة
اه فى نون كدابة اللى هى التنوين بالفتح لأننا بننطق نون وهى مش موجودة اصلا
زى شكرآ. ... كتابآ....... قلمآ
نعمل ايه نضيف للكلمة ال لو اختفت النون تبقى كدابة علشان بتخاف من ال لكن لو أصلية مبتخفش
وتفضل زى ما هى الشكر.....الكتاب.....القلم شوفتوا هربت بسرعة ازاى
لك فى كلمة حنان.....ميدان.....زمان ...الحنان..... الميدان......الزمان ثبتت على موقفها تبقى أصلية
6 )ازاى اعرف لما اعمل تنوين بالفتح لكلمة امتى ازود آ التنوين و امتى لأ
كل الكلمات نزود معاها آ التنوين بالفتح ماعدا الكلمات المنتهية ب تاء مربوطة و همزة على السطر
يسبقها مد الف لأنهم مش بيحبوا أ التنوين تقف وراهم لكن باقى الحروف بتحبه
تبقى كلمة زى سماء.... دواء ....حديقة.........سعيدة ....أسرة لما اجى انونها بالفتح مش هزود الف
ونحط التنوين فتحتين على اخر حرف فقط
لكن كلمات مثل باب كتاب قلم ......تصبح بابآ .....كتابآ......قلمآ نضيف الف وفتحتين
7) ازاى اعرف ان الكلمة دى فعل ولا اسم 
عادى جدا ازودلها ال لو نفعت متبقاش فعل تبقى اسم لكن لو منفعتش تبقى فعل
اسرة....الأسرة تبقى اسم. أحب ...الاحب. مينفعش تبقى فعل
سعيدة..السعيدة. اسم. سار ..السار. مينفعش تبقى فعل