المدرس دا من الاسكندريه
المدرس دا ماااااااااات
مات من مقهور الطالب دا مشاغب فالمدرسه وقارف كل المدرسين عنده 14 سنه كان بيسب الدين للمدرسين و يهددهم
استفز المدرس وقال للمدرس انا هعرفك بره المدرسه المدرس قام عشان يرد عليه الطالب تبادل معاه اللكمات والشلاليت اه والله اللكمات والشلاليت
ولما المدرسين حجزوا بينهم المدرس وقع من طوله مااااات وكانت عينه مالينا دموع صعبت عليه نفسه
عنده 3 ابناء جذمه اصغر واحد أشرف وانضف من ذلك الطالب
اللى قتل المدرس مش الطالب
اللى قتل المدرس وزارة مترهله يحكمها مجموعه من العواجيز ..تحت بند دار كبار المسنين ...تركوا واجبتهم من تنقيه المؤسسه التعليميه من جراثيم تنتشر اسرع من سرعه الضوء ..وكثفوا جهودهم ..لمحاربة المعلمين والانتقاص من كرامتهم
اللى قتل المدرس الافلام ( عبده موته وابراهيم الابيض و القشاش والالمانى و غيرهم )
اللى قتل المدرس اغانى اوكا وارتيجا شربت حجرين وسجاره بنى
اللى قتل المدرس قيم فاسده جعلت من البلطجى مثل اعلا جعلت من الحرامى فهلوى جعلت من النصاب دمه خفيف
اللى قتل المدرس جمعيات حقوق انسان وسخه قذره تهلل لو مدرس ضرب طالب مأجوره ووزاره مرتعشه جبانه مش قادره تاخد قرارات تربويه صحيحه
شوف حال الجامعات الان وطلاب الجامعات الان من عنف وكره للوطن وكره للانتماء شوف حال الطالب فالشارع تحرش والفاظ قذره و عدم انتظام
من الاخر
السبب لازم المدرس ياخد حقه لازم يرجع هيبه المدرس الاهم من الكادر والفلوس هيبه المدرس وتاهيله و أمن المدرسه ( هو فين أمن المدرسه )
الله يرحمه أ صلاح
كل واحد يستني دورة بعد أ صلاح
صفي عبد الراضي2016-03-04, 9:14 pm