إهتم بنفسية بنتك و إبنك زي ما بتهتم بمستواهم التعليمي ، حقيقي المجتمع مش هيستفيد بحاجة من دكتور متوحد أو مهندس معقد ..
يعني حفزوا و شجعوا أبنائكم بدون تعقيد أو توتر أو قلق عشان يذاكروا بشغف وحب مش يذاكروا خوف منكم
فـ إبنك أو بنتك زرعتك حاول تسقيها و تغذيها عشان تعطيك محصول كبير
كذلك ابنك او بنتك محتاجين كلامك التحفيزي و إللي بيخليه يثق في نفسه عشان يديك نتيجة ترضيك
وكمان لازم تهتم بتربيتهم تربية دينية سليمة وصحيحة قبل التعليم ..
إحنا في زمان صعب جداً فـ لازم تهتم بتربيتهم و تراقبهم من بعيد لبعيد و تشوف أصحابهم مين و بيقعدوا مع مين و كل فترة أدخل شوف غرفة أبنائك و شوف إهتماماتهم..
إحنا في زمن ما يعلم بيه إلا ربنا فـ ربوا عيالكم عشان يشرفوكم و يرفعوا راسكم بنجاحهم التربوي قبل التعليمي ..
م . محمد ماهر
