النهاردة هنتكلم عن الفرق بين (قسم ديكور فنون جميلة) و (قسم ديكور فنون تطبيقية):

1 – فنون تطبيقية بيكون فيها سنة اعدادي بتدرس فيها بشكل عام وبعد كدة من اول سنة اولى بيتم التخصص ع حسب التقدير واعلى تخصص بياخد تقدير هو عمارة داخلية واثاث يعنى هتدرس ديكور في 4 سنين.
- اما فنون جميلة قسم ديكور بقي بيكون التخصص من اول سنه عادي يعني بتدرس في ديكور لمدة 5 سنين.

2- قسم الديكور بفنون تطبيقية بيكون عبارة عن شعبة واحدة وهي "عمارة داخلية واثاث"
- اما فى فنون جميلة قسم ديكور بيكون فيه شعبتين عمارة داخلية او سينوغرافيا (ديكور المسرح ).

3- فنون تطبيقية الدراسة بتركزعلي الاثاث والالوان والديكور من الداخل ومش بتركز اكتر علي التعديل فى البناء ، اما فى فنون جميلة ديكور الدراسة بتكون اشمل لانها بتربط بين العمارة والديكور .

4- خريج تصميم داخلى تطبيقية بيتبع (نقابة التطبيقين) ، اما خريج ديكور فنون جميلة يتبع (نقابة التشكيلين).

فنون جميلة ديكور اتخرج منها ناجى شاكر مبدع مسرحية الليلة الكبيرة وصلاح عبد الكريم ابو الديكور

مجالات العمل لخريجين في فنون تطبيقية ديكور او فنون جميلة فنون بتكون واحدة يعتبر وبتكون في:

1- المكاتب الإستشارية التى تعمل فى مجال التصميم الداخلى و الأثاث .
2- العمل فى مصانع الأثاث المختلفة .
3- العمل فى الإدارات الهندسية بالهيئات الحكومية المختلفة .
4- العمل فى مدينة الإنتاج الإعلامى و التلفزيون.