نصائح عامة مهمة جداً قبل الامتحانات :
- خلي يقينك بالله إنه لن يضيع تعبك أبدا
- ممنوع السهر ليلة الامتحان .
- نام بدري ، لازم تنام بدري ، تنام 7 او 6 ساعات على الأقل. وتصحى قبل الامتحان علشان تقدر تركز.
- اللي مش بينام قبل الامتحان تركيزه بيكون قليل جدا.
- حاول تفطر قبل الامتحان علشان ممكن تلاقي نفسك دايخ أو عاوز تنام.
- كمان تاكل أكل بينشط الذاكرة زي العسل و الفواكه و تشرب العصائر الطبيعية.
- خلي معاك زجاجة مياه كل يوم و تكون لك لوحدك بس ، مفيش أي حد يشرب منها غيرك.
- خد معاك قلم احتياطي .
- ركز و أنت بتحل و اعمل حسابك إنك تبقي وقت في الآخر للمراجعة.
- ممنوع السهر ليلة الامتحان
- فن حل الامتحان: يعني تقسم وقتك بحيث يكون عندك وقت لمراجعة إجاباتك قبل نهاية الوقت.
- لازم تبدأ بالأسئلة السهلة.
- ممنوع السهر ليلة الامتحان
- لما ترجع البيت، بلاش توتر بابا وماما ، الله يبارك فيك ،طمنهم دائما، احمد ربنا على كل شئ.
- بلاش تراجع بعد الامتحان.
- وأخيراً ممنوع السهر ليلة الامتحان.
خلي يقينك بالله إنه لن يضيع تعبك أبدا.
ربنا يوفقكم للخير و يكتب لكم النجاح و التفوق دائماً
بدأ موسم الامتحانات، وأُعلنت حالة الطوارئ في كل البيوت المصرية اللي فيها أطفال في المدرسة من أول رابعة إبتدائي لحد الثانوية العامة.
وبما إن الفترة دي بتبقى مضغوطة جدًا، حبينا نقول لكم شوية نصائح تساعد إن الفترة دي تعدي بسلام:
–بلاش قلق وتوتر، القلق والتوتر بيقلل التركيز والإنجاز.
–بلاش قبل الامتحان تفتح دروس جديدة ما كنتش ذاكرتها قبل كده (هيبقى تضييع وقت، حافظ على المعلومات اللي عندك أحسن).
–الدروس اللي سبتها راجعها في شكل سؤال وإجابة أسهل وأسرع.
–نظم نومك وكل أكل صحي (بيفرق كتير في التركيز).
–حط هدف وخطة لكل يوم هيساعدك تنجز.
–قسم مذاكرتك (نص ساعة مذاكرة وعشر دقايق بريك).
–بلاش تمسك التليفون في البريك القصير هيسحب منك وقت (خلي التليفون بعيد عنك أحسن).
–لو بتلعب رياضة بلاش تقطع التمرين في فترة الامتحانات( مش الساعة دي هي اللي هتلم فيها المنهج بس الرياضة هتساعدك تصفي ذهنك وتركز أكتر).
أما الأمهات بقى نحب نفكركم إن وظيفتكم مش إنكم تخرجوا دكاترة ومهندسين، وظيفتكم إنكم تخرجوا شباب عندهم أخلاق ويقدروا يتحملوا المسؤولية (مهما كانت الدرجات اللي هيجيبها أو الكلية اللي هيدخلها، لو معندوش أخلاق هتبقى نقمة عليه مش نعمة).
ربنا معاكم جميعا، وبالتوفيق لأي حد بيمتحن الفترة الجاية.
دمتم متفوقين
Mr.Riad2023-05-01, 7:39 am