ابطال 3 ث ازاي تلم الفيزياء
البوست مش هيأخد منك دقيقتين و هيفرقوا معاك جداً
4 خطوات ذهبية لمراجعة الفيزياء صح
تراجع أساسيات الفيزياء و الرياضة و تكون ملم بيهم إلى حد ما  المقصود الحاجات الأساسية لحل المسائل
زي العلاقات و الرسومات البيانية ... الكسور ... العمليات الحسابية عموماً...... الخ .
تجمع أفكار المنهج كأساسيات المنهج و يكون عندك فكرة كل فصل بيتكلم عن ايه و تبدأ تجمع أفكار فصل ب فصل و تحل عليها كل فكرة و تطبيق و يفضل مسائل محلولة تفكرك و بعدين فكرة مشابهة تحلها بأيدك
تاني لازم تحل بأيدك
ربط الفصول ببعضها و اذا وصلت هنا ف تحية طيبة انت وصلت ل نص المشوار
و الاهم تبدأ تحل امتحانات شاملة على المنهج كامل
سواء نماذج امتحانات سابقة أو نماذج من كتب المهم تكون نفس مستوى الامتحان النهائي ك كم أسئلة و مستوى عام
طيب علشان تعمل كل دا لازم تكون على استعداد و حاطط هدف تخلص كل دا على شهرين بس
طيب هتقولي بذاكر و مش بعرف احل بردوا
المهم من المذاكرة مش ذاكرت كام ساعة و لا كام فصل و لا حتى كام كتاب المهم الاستيعاب
انت استوعبت قد ايه من مذاكرة 6 ساعات مثلا
طيب سؤال تاني بأخد وقت طويل اووي فى الحل
لازم تدرب على السرعة و دا انك بتحدد وقت معين أو تقيس المسألة تأخد قد ايه وقت و كل مرة تتحدى نفسك تحل اسرع
طيب الناس اللى مذاكرة كويس جدا و بتحل فى وقت اقل بس بيقع منها حاجات بتضيع درجات أو خطوات متسرعة و تطلع المسألة غلط
لازم تدرب على التركيييز
التركيز مهم جدا اهم حاجة بعد كل اللى فوق دا
خلاصة الموضوع اتعلم ازاي تحل بسرعة مع تركيز
و ساعتها هتقفل اكيد إن شاء الله
مع تحياتي مستر اسلام رجب