بخصوص موضوع الساعة امتحان تالتة_اعدادى_بابل_شيت_علوم
¬ إيه البابل شيت ده أصلا؟.. ده يا سيدي ورقة مرقمة بنفس عدد أسئلة الامتحان.. يعني لو الامتحان 50 سؤال هيبقى في البابل شيت 50 مكان للإجابة.. ومكان الإجابة ده يبقى عبارة عن أربع دوائر.. تظلل على الدائرة الصح حسب السؤال.. بتوضيح أكتر.. لو السؤال رقم خمسة في الامتحان باقولك مصر كام محافظة – أنا بقول مثلا- ومطلوب منك تختار إجابة واحدة من الاختيارات الأربعة المتاحة.. حضرتك هتروح للبابل شيت وتظلل الدائرة اللي مكان الإجابة الصح.. يعني لو الإجابة الأولى هي الصح تظلل الدائرة الأولى قصاد رقم خمسة.. لو الإجابة الثانية هي الصح تظلل الدائرة الثانية، وهكذا.
¬ طب البابل شيت ده هيتصحح إزاي؟.. باختصار شديد.. الطالب بعد ما يجاوب المراقبين فيجمعوا البابل شيت والوزارة هتدخل البابل شيت ده في أجهزة ماسحات ضوئية تخرج نتيجة الطالب من الناحية التانية.. وبما إن الأسئلة كلها اختيار من متعدد وكل سؤال له إجابة واحدة صح، إذن الكمبيوتر عارف الإجابة الصح إيه.. علشان كده مش هيكون فيه مجال للتصحيح الخاطئ.. عملت الإجابة الصح هتاخد درجة السؤال عملتها غلط الكمبيوتر هيديك صفر في السؤال ده.
¬ ارشادات عاملة لورقة الامتحان و طريقة الاجابة
1. احرص علي مراجعة كتاب المدرسة الخاص بمادة العلوم
2. لا تتسرع في الحل وفكر وركز جيدًا
3. قم بحل الامتحان في ورقة الأسئلة و استخدم القلم الرصاص أولا وظلل المربع الذي اخترته جيدًا ولا تنقل الاجابة في كراسة الاجابة إلا بعد التيقن
4. لا تقم بأي علامة أخري سوي التظليل
5. التظليل علي مربعين معناه أن إجابتك خطأ
6. لا تكتب علي ورقة الاجابة أي علامات
7. لا تحول التظليل من الرصاص إلي الجاف إلا بعد التيقن تمامًا من الاجابة وقبل التسليم مباشرة