الجهاز التنفسي كامل علوم الصف الرابع

الجهاز التنفسي كامل (حدوتين )

حدوتة (٧)بعنوان "مين قاتل الحارس"
في سنة ١٩٩٥ كنت لسة في رابعة ابتدائي وكانت ميس العلوم في المدرسة طلبت مننا نعمل بحث طبي عن اي جهاز في جسم الانسان _وبما. اني مكنتش بحب العلوم اصلا فقررت اروح لصحاب اختي الكبيرة اللي في كلية الطب علشان يساعدوني اعمل البحث الطبي المطلوب مني

..وحضرت كشكول البحث وادواتي وقفلت باب شقتنا وخرجت..
ووانا خارجة من باب العمارة فجأة لاقيت
حارس العمارة" بتاعتنا مرمي عالارض

انا خوفت وبعدت بعيد لاني مكنتش عارفة هو مُغمي عليه ولا ميت 🥺
وفجأة خرجت زوجة الحارس فضلت تصوت والناس اتلمت بسرعة و طلبو الاسعاف وفعلا بعد مرور ٥ دقايق جات عربية الاسعاف وفيها ٢ دكاترة

‍

وبعد فحص الدكاترة للحارس_قالو دا عنده مشكلة في الرئة و التنفس وقف فجأة وهننقله لمستشفي الصدر والجهاز التنفسي حاالااا ..
وركبنا كلنا عربية الاسعاف ..
وواحنا راكبين سمعت الدكاترة قاعدين بيتكلمو مع بعض ..وعرفت ان دكتور منهم اسمه دكتور مصطفي والتاني اسمه دكتور "صهيب "
_ وفهمت من كلامهم انهم بيتكلمو عن الجهاز التنفسي في جسمنا وبيتناقشو في موضوع الحارس وازاي الجهاز التنفسي بتاعه وقف فجأة
وقولت بما اني عندي بحث طبي وخلاص هيتسلم بكرة ..فممكن اخد اي معلومات من دكاترة الاسعاف دول واكتبها في البحث واسلمها بكرة وخلاص ...

_بدأت اتكلم مع الدكاترة جوه عربية الاسعاف
وبدأو يتكلمو معايا وكإني بنت كبيرة مع اني كنت لسة في رابعة ابتدائي

وبدأنا نتناقش انا والاتنين دكاترة ومحسستش حد فيهم اني باخد منهم معلومات علشان البحث بتاعي 🤭
وكان الحوار كالتالي :
_انا: دكتور مصطفي ممكن حضرتك تفهمني هو احنا بنتنفس ازاي؟
_رد دكتور مصطفي وقالي : عملية التنفس دي عملية معقدة جدا بيقوم بيها جهاز معين في جسمنا اسمه الجهاز التنفسي
وهنا اتدخل دكتور صهيب في الكلام

وقال :الجهاز التنفسي دا هو المسؤل عن ادخال الهواء لجسمنا لكي تتم عملية التنفس ونحصل علي الطاقة..
=سألته: طب هو الهوا بيدخل ازاي يا دكتور صهيب ؟

_قالي الهوا بيدخل من( الفم والانف) وبعد كدا بيوصل للحلق(الزور) بتاع الفم ومن ثم يدخل عالقصبة الهوائية ويروح يقعد في الرئتين .
وبعد كدا سألت دكتور مصطفي

‍

_ ممكن تفهمني هي عملية التنفس دي بتحصل ازاي جوه جسمنا ؟
=رد وقالي: شايفة الهوا اللي حوالينا دا مليان غاز الاكسچين _احنا بقي لما بنيجي نتنفس. الهوا دا بيدخل من خلال الفم ويروح للرئة بتاعتنا والرئه بتاخد من الهوا دا الاكسچين وتخرج الباقي ترميه. والباقي دا اللي هو غاز .ثاني اكسيد الكربون
سألته: يعني يا دكتور مصطفي الرئة بتعمل حاجتين

بتاخد الاكسچين وبتخرج ثاني اكسيد الكربون ؟
_رد وقالي بالظبط كدا والعمليتين دول ليهم اسم معين في الطب وهما

‍

١_الشهيق : هو دخول الهواء الي الرئة
٢_زفير : خروج ثاني اكسيد الكربون من الرئة كنتيجة لعملية التنفس
_فبسرعة فتحت شنطتي وطلعت الكشكول بتاعي اللي هكتب فيه البحث المطلوب وكتبت
بياناتي كالاتي :
الاسم:مني عزام . _ الصف : الرابع الابتدائي
عنوان البحث Sad

الجهاز التنفسي🫁🫁 )
وبعد كدا بدأت اكتب اول سطور في البحث وانا مبسوطة اوي اني هكتب البحث بنفسي بدون ما اعتمد علي حد

.. وكتبت الاتي
١_الجهاز التنفسي مسؤل عن ادخال الهواء وطرد مالايحتاجه
٢_التنفس : هو عملية دفع الهواء داخل وخارج الجسم
شديت سطر_________وكتبت
١_التنفس عبارة عن عمليتين هما

🫁
*الشهيق :_عملية دخول الهواء محملا بغاز الاكسچين الي الرئتين
*الزفير : عملية خروج غاز ثاني اكسيد الكربون من الرئة كناتج من عملية التنفس
وفجأة دكتور صهيب قطع الصمت وقال
_: بس علي فكرة يادكتور مصطفي انت نسيت تقولها ان عملية التنفس دي كلها بتحصل بمساعدة عضلة

موجودة تحت الرئة. علي طول اسمها( عضلة الحجاب الحاجز)

‍

وهنا جالي فضول اعرف من دكتور صهيب ازاي يعني عضلة الحجاب الحاجز دي بتساعد علي التنفس ؟🫁
وهنا دكتور صهيب قالي :

‍

عارفة والهوا جاي يعدي علشان يدخل علي الرئة فالحجاب دا بينقبض يعني بيصغر حجمه كدا فتقوم الرئة توسع ويدخل فيها الهوا (يعني كإنك بتنفخي بلونة كدا)
وهي دي عملية الشهيق ....
وبعد كدا في عملية الزفير ..الحجاب الحاجز دا بينبسط(يعني حجمه بيكبر )وبيرتفع لاعلي فبيضيق علي الرئة ويفضل يضغط عليها لحد ما تطلع الهوا االلي جواها وهي دي عملية الزفير
(تشبه البلونة كدا لما نفضي منها الهوا)
وقومت فتحت المذكرة بتاعتي بسرعة وكتبت :
الاتي:_:closed_book:

١_تحدث عملية الشهيق والزفير بمساعدة عضلة الحجاب الحاجز
٢_الحجاب الحاجز : هو عضلة كبيرة تساعد في عمليتي الشهيق والزفير
٢_في الشهيق ينقبض الحجاب الحاجز ويهبط لاسفل فتتسع الرئة ويدخل الهواء
٣_في الزفير ينبسط الحجاب الحاجز ويرتفع لاعلي فتضيق الرئة ويخرج منها الهواء
ووانا لسة بكتب في المذكرة بتاعتي ..فجأة لاقينا حارس العمارة لفظ انفاسه الاخيرة داخل عربية الاسعاف

وفضلت زوجة الحارس تصوت وتقول رجعونا عالبيت حالا .

وهنا قالو الدكاترة دا لازم يروح المشرحة دلوقتي

علشان نعرف سبب الوفاة ..
_
وانا كنت اصلا من زمان نفسي جدا ادخل المشرحة واشوف بيشرحو الجثث ازاي...
انتظرو الجزء التاني من القصة بعنوان
"الرعب داخل مشرحة الموتي"
قصة(٧)_الجزء١_الجهاز التنفسي...
اكمل :_
١_عملية دفع الهواء داخل وخارج الجسم تسمي عملية ......
الاجابة(التنفس)
٢_عملية الشهيق هي عملية دخول ..... الي الرئتين
الاجابة (الهواء محمل بالاكسچين)
٣_يخرج غاز ثاني اكسيد الكربون من الرئة في عملية تسمي ...
الاجابة: الزفير
٤_تتم عملية التنفس بمساعدة عضو كبير يسمي......
الاجابة (الحجاب الحاجز)
٥_ ينقبض الحجاب الحاجز اثناء عملية......
بل ينبسط اثناء عملية .....
الاجابة(الشهيق&الزفير)
٦_تتسع الرئة أو (القفص الصدري )اثناء عملية..
الاجابة(الشهيق)
٧_يضيق القفص الصدري او تضيق الرئة اثناء عملية ....
الاجابة(الزفير)
السؤال الثاني:_
قارن بين عمليتي الشهيق والزفير من حيث(التعريف_حركة الحجاب الحاجز_ضيق واتساع القفص الصدري )
_جاوب بنفسك

🤭

‍�
أ/مني عزام