د/ زهران : يوليو مفيش يا مُعلمين !!!

استعرض الموضوع السابق استعرض الموضوع التالي اذهب الى الأسفل

11112016

مُساهمة 

. د/ زهران : يوليو مفيش يا مُعلمين !!!





يوليو مفيش يا مُعلمين !!!
...........................
مع كل علاوة نستنى
إن الحكومة تراضينا
لايوم بتنا نتهنى
ولاجنيه أخدنا في إيدينا
ونرجع تاني نتمنى
ونحيي الأمل فينا
لكن يوليو أهو جالنا
من غير علاوة تواسينا
........................
ومسئول حكومي بيشوح بإيده :
أصبروا البلد خربانه
سنين وهي منهوبه
ومصانعها كلها قهرانه
منين نديك يا مُعلم
د البورصة كمان خسرانة
............................
ياحكومة ياظالمة أنا شايفك
وناس كتير مرتباتها كل يوم بتزيد
وسنين وأنا صابر وسايبك
حرام إحنا مش عبيد
ولا مرة أخدنا حافز
ولا منحة ليلة عيد
.............................
أنا علمتك ياريس
وحقي عليك تراضيني
أعيش في بلدي كويس
ولو زعلت يوم تواسيني
الحكومة على حبايبها بتفيس
وحِلفت يوم ما تديني
عايز أعيش بكرامتي
وحيطة تسترني تداريني
........................................
وانت يا مُعلم :
خليك على طول مسكين
تسهر تعاني تتألم
ويدوك كلمتين تسكين
تقول ياحكومة : مرارتي مفقوعة
يدوك برشامتين ( إسكين ) .
.................................................
زمايلك بيدوا دروس
وأنا مالي
عايز أروَّح بيتي
أقعد مع عيالي
همه حياتي ودنيتي
وعمري وراس مالي
واكل معاهم لقمتي
وعمري ما اقول أه ياني
......................................
طول النهار أخَبَط
ويقولوا مين ؟ !!
مدرس جغرافيا ياشاطرة
ترد تقول : النهار ده مش عايزين
وزوج وزوجة يتخانقوا
وياخدوني مع العيال شاهدين
أو أم عيل ملاوعة
تخلي سمعتي طين
..................................
ياحكومة : كفايه عمايلك
كده عيب
لا توب ساترني
ولا جنيه في الجيب
...........................
ياحكومه :
تعالي هنا وقولي لي
د المال مال دولتي
تعالي هاتي هولي
أفك به أزمتي
د اجدادي سابوهولي
.................................
ياحكومة والله أنا عايز أعيش
كفايه كده ملاوعة وبلاش تلطيش
الله يخرب بيت اللي سرقنا
ويقطع لسان اللي يقول مفيش .
.........................................
دكتور محمد زهران – مؤسس تيار استقلال المعلمين

Mr.Riad


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
لاتستطيع الرد على المواضيع في هذا المنتدى