نادى المعلمين .. اصبح للاستثمار ولرجال الاعمال واصبح المعلمون فيه غرباء

استعرض الموضوع السابق استعرض الموضوع التالي اذهب الى الأسفل

01082016

مُساهمة 

. نادى المعلمين .. اصبح للاستثمار ولرجال الاعمال واصبح المعلمون فيه غرباء





كتب: محمد القاضى

كنا ومازلنا نتابع المهازل التى تحدث داخل نادى المعلمين ومدى الظلم والبهدلة للمعلمين داخل النادى الذى اصبح للاستثمار ورجال الاعمال ولم يصبح للمعلمين واصبح المعلمون فيه غرباء ...بعد ان تم تأجير الشاطئ والكافتيريا اسفل النادى لاحد رجال الاعمال بمبلغ نصف مليون جنيه عن طريق النقابة العامة بالقاهرة برئاسة خلف الزناتى والحارس القضائى وتحت رعاية (التيتى للبلياردو) الذى كان الواسطة بين من قام بتأجير الشاطئ والنقابة العامة واصبح الشاطئ ليس ملكا للمعلمين ولا النادى واذا اردت ان تدخل الشاطئ تدفع 4جنيهات على الفرد و4جنيهات للشمسية و4جنيهات للتربيزة و1جنيه لخلع الملابس وكمان زادت اسعار الكافتيريا ماهو الراجل اللى مأجر عاوز يلم ايجاره ..يلمه من مين ؟طبعا من دم المعلمين ماهى النقابة العامة تقبض ومالهومش دعوة باللى يحصل ومش مشكلة بهدلة المدرسين والمهازل اللى بيشوفها المدرسين ...طيب سؤال هى الفلوس دى بتروح فين؟..الكافتريا اللى امام المدخل مباشرة صفت بس 3ايام العيد اكثر من 70 الف جنيه غير طبعا التذاكر اللى ب10جنيه على الباب ...طيب حاجه تانية فى دلوقت عمود دعاية داخل النادى متأجر بمليون ونص فلوسه فين ؟وفى واحد تانى بيتعمل ...طيب غير كده دلوقت جابوا 2مديرين للنادى ليه مش عارف المهم ان النادى اصبح عزبه للبعض ازاى اقولك...واحد مدخل عربيته سمكره داخل النادى وواخد هو وابنه كابينتين من كبائن النادى ماخلاص بقى هما مقيمين داخل النادى ليل ونهار وتيجى انت يا مدرس علشان تأجر كابينه يقولك مافيش طيب مش برضه ده كله من حق المعلمين ................طيب شوفو اللى جاى ..سانتوس خد اللسان على شمال النادى وعمله كافتيريا واجره بحوالى 3أو4 مليون كويس...والزبالة اللى بتطلع من سانتوس بتترمى فى البحر علشان كده البحر مليان زباله ....طيب وايه تانى ؟؟الكافتيريا اللى كانت فوق خالص وكانت الناس بتقعد فيها وبتستمتع بجو البحر تم ايجارها برضه لسانتوس ليه مش حتتعمل كافتيريا لالالالالالا حتتعمل ( جيم ) لولولولولولولى النادى حيدخله جيم يعنى كل شبر من النادى تم تأجيره .....و اشربوا يا معلمين ولسه الله اعلم ايه اللى جاى كمان ..يبقى النادى اصبح مش للمعلمين لا بل اصبح لرجال الاعمال والبزنس واصبح عبارة عن عزبة كل واحد بيبيع قطعة منه ليستفاد وكل ده بحجة انهم عاوزين فلوس علشان يدفعوا للمعاشات ومش عارفين يجيبوا منين؟ اذا كان الوضع كذلك فيجب على جميع الادارات وقف خصم المبالغ التى تخصم من المعلمين شهريا للنادى لاننا لا نستفاد منه نهائيا بل اصبحنا غرباء فى نادينا والله اعلم ممكن قريب يقول اللى عامل كارنيه برضه حيدفع تذكرة ...............بعد كل ده ياترى حنلاقى وقفة من المعلمين ونكون ايد واحدة ولا كله حيكبر دماغه ويقولك انا معاكم ولما تيجى وقت الجد ماتلاقيش حد؟ نفسنا نتحد ولو لمرة ....مطالبنا معروفه اولا عمل انتخابات للنقابة وتسريح لجنة تسير الاعمال...عودة النادى كما كان للمعلمين ..معاملة المعلمين معامله تليق بهم .......................فهل سنجد من يدافع عن حقوقنا ويردها لنا ..هل سنجد من يقف صفا واحدا ويدا واحدة؟؟؟؟؟ اتمنى ...وماخفى كان اعظم

Mr Hassan


http://www.modars1.com/

الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
لاتستطيع الرد على المواضيع في هذا المنتدى