مدرس اون لايندخول

نصائح هامة لكي تكون مدرس خصوصي ناجح "لا ترخص من نفسك وأدخل البيوت أعمي واطرش "


نصائح هامة لكي تكون مدرس خصوصي ناجح "لا ترخص من نفسك وأدخل البيوت أعمي واطرش " Ade11210
نشر احمد سعيد معلم دليل للمدرس  الخصوصي قائلا عبر صفحته الشخصية علي موقع التواصل الاجتماعي " الفيس بوك "

يسالنى بعض المدرسين عن النصائح وهو بيبدا يعطى دروس تعلمت الاتى

1-الهيبة والشخصية اهم من المادة العلمية

2- ادخل بيوت الناس اعمى واطرش وعامل الناس باحترام لان سمعتك هى الاساس

3-خلى بالك من البنات دائما يضعوك تحت الاختبار ولما تغلط يفضحوك ويقف حالك

4-لازم تركز على التسميع والواجب والطالب اللى ما يحفظ اخلص منه وبناقص فلوسه لانه حيعملك شماعة فشله ويسوىء سمعتك

5-لاتجعل المال همك فى البداية حتى تثبت امكانياتك

6- لازم تتطلع وتعرف معلومات وتجدد فى شغلك وتطوره واقرا مذكرات الاخرين لكة تتطلع بمعلومات اكثر واعمل تدريبات كثيرة علشان الطلاب يتفوقوا لان اللغة قائمة على الممارسة

7- لاتذم فى غيرك ولا تتحدث عن نفسك والا حتسقط من نظر الطلاب

8-بلاش تجامل الفتيات باالغزل انت حلوة ولبسك شيك حيدمروا سمعتك

9-لو لقيت مدرس معاك فى المكان بيرزل ويقل من قيمتك امام الطلاب ويضاربك فى المواعيد سيب المكان انت الكسبان

10- لو دخلت بيت لقيت فيه حركات مريبه وصاحبه مش متواجد بناقص الدرس ده بدل ماتقع فى مصائب لايمكن تداركها مستقبلا

11-لو طالب شاطر وماديا تعبان اشتغل معاه احسن من فاشل مستريح ماديا

12-لاترهق نفسك فى العمل على حساب صحتك واسرتك والا ستخسر كل شىء

13-لازم تعمل فاصل بينك وبين الطلاب والا ستضيع هيبتك ومحدش حيعملك اعتبار ولا حيذاكر ولا حيعملك الواجب ويكون مصيرك الفشل

14-راعى ضميرك فى الشرح والوقت والمواعيد والا الفلوس تبقى حرام

15-ممنوع اكراه الطلاب على الدرس تبقى الفلوس حرام

16- بعض الطلاب فاكرين الدرس رشوة لانجاحهم بدون وجه حق فهمهم انك بتاخد فلوس مقابل شرح والنتيجة ملكش دعوة بيها متوقفه على اجتهادك

17- خلى بالك من نظراتك وتصرفاتك داخل المنازل او مع البنات فائقات الجمال حتتحسب عليك والبنات دائما يحكوا على المدرسين

18-علشان تنجح خليك صامت دائما تتجنب المشاكل وتنتشر سريعا

19- اهتم بمظهرك دائما وسلوكك اهم من المظهر

20- لا ترخص من نفسك حتى لو محتاج الدرس ربنا سيعطيك البديل لان الرزق ثابت ومقدر لا تتنازل عن كرامتك من اجل المال
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى