موقف حدث أول امبارح فى احدى اللجان
كنت اراقب على لجنة بنات ....المهم بعد ساعة تقريبا من بدء الامتحان طلبت احدى الطالبات انها تروح الحمام ...طبيعى أخذت ورقة الاجابة بتاعتها و أذنت ليها تروح الحمام و كفضول المدرسين بصيت فى ورقة اجابتها لقيتها شبه فاضية و بعد 5 دقايق جات الطالبة و بدأت تحل الامتحان و قعدت منهمكة فى الاجابة و مرفعتش راسها الا مع نهاية الوقت و كأنه وحى نزل عليها مرة واحدة ...المهم انا فضلت اراقبها و هى بتحل على اساس انها بتغش مشوفتش عليها اي علامات الغش و فيه سماعت و لا موبايل و لا بلوتوث ....سألت نفسي يمكن فيه حد اداها الامتحان عند الحمامات ....يمكن بس مش معقول هتحفظ اجابة الامتحان كله فى 5 دقايق المهم سكت على كده و مركزتش معاها تانى ......
المهم النهاردة برضه لقيت نفسي مراقب على نفس اللجنة ..... و بعد تقريبا ساعة من الامتحان طلبت نفس الطالبة تنزل الحمام .....الله ايه الحكاية .....لأ كده بدأت اقلق ....ماشي يا ستى روحى الحمام و هاتى ورقتك و برضه تعمدت اشوف اجاباتها لقيتها شبه فاضيه ....و لما جات من الحمام بدأت تحل و فضلت تحل و مرفعتش راسها الا و هى مخلصه الامتحان و فضلت مراقبها تانى و برضه مفيش اي علامات غش ...... و بعدين بأه انا كده قلقت و بدات اتنرفز و الموضوع دخل فى تحدى ......
المهم قبل نهاية الامتحان ب 10 دقايق لقيتها بتشاور لزميلة ليها برة اللجنة بتقولها انتظرينى ....نظرت انا للبنت خارج اللجنة لقيتها الخالق الناطق هى البنت اللى جوه اللجنة ...سبحان الله 100% متشابهين روحت ناديت عليها فراحت البنت جريت منى و لكن قدرت امسكها بمساعدة زميل ليا فى اللجنة التانية و جبتها عندى اللجنة و قعدتهم جنب بعض و لقيتهم شبه بعض بالضط .....
و مع بعض الضغط عليهم و من الشكل اللى باين عليهم اتضح انهم اخوات توأم و انه فيه واحدة شاطرة و التانية بليدة و الشاطرة تحل امتحانها بسرعة و تنزل الحمام تلاقى اختها التانية مستنياها تحت فى الحمام يبدلوا مع بعض الشاطرة تروح لجنة البليدة و العكس و عشان كده لابسين زى بعض بالضبط و نفس الالوان و نفس الحجاب و نفس اللفة والموضوع دا اتكرر طول الامتحانات و متعرفش الا النهاردة ....المهم فضلوا يبكوا و يترجوا فيا انى اسيبهم و ما اعملش محضر غش ....بينى و بينكم انا اتفاجأت من الطريقة المبتكرة و قررت انى اسيبهم مع وعد منهم انهم ما يكرروش الموضوع دا تانى لانه خطر جدا و فيه مسؤلية علينا مع العلم انى عارف انه غلط لكن رجعت لرءيس اللجنة و حكيت الموضوع فقالي اسيبهم و خصوصا انه بكرة اخر يوم امتحانا
منقول