الدروس الخصوصية و الحرب عليهـــا

استعرض الموضوع السابق استعرض الموضوع التالي اذهب الى الأسفل

09092015

مُساهمة 

. الدروس الخصوصية و الحرب عليهـــا





كتب/ التوجية المالى
لقد نشرت منذ مدة طويلة هذه الصورة وكتبت عليها هذا الكلام
صـــــــــــــــورة بـــدون تعليــــق
اهــــــــــداء للسيـــد وزيــــــر التربيــــــة والتعليـــــم
هـــــــــذه ليســـــــــت مظاهـــــــــــــرة
هـــــــــذه صــــــــــورة لظاهـــــــــــــــرة
وظن البعض ان هذه الصورة ليست حقيقية إلا إننى تأكد بصحتها عن طريق بعض الزملاء حيث انهم كانوا هناك يحجزون لابنائهم عند هذا المعلم وبعد ان تناقشنا في موضوع هذا المعلم اتضح ان هذا المعلم حاصل على اجازة خاصة بدون مرتب داخل البلاد اى انه لايعمل باي مدرسة حتى يحاسبه السيد الوزير وبعد ان تاكدت من هذه المعلومة علمت انه قبل عدد 2000 بنت وعدد 900 ولد
يا جماعة ربنا يبارك له بس احنا عايزين نصل للمشكلة فين
تعالوا نحسب كده بدون حسد الحصة 20 جنية واربع حصص في الشهر
بمعنى = 2900 طالب* 20 جنية * 4 حصص في الشهر = 232000 جنية شهريا
دا في الشهر نقول بيشتغل ثمانية اشهر = 232000* 8 =1856000 في السنة
دا طبعا غير حصص المراجعات النهائية اللى ممكن قوي يكون لها سعر خاص
المهم الموضوع ما يشغلناش قوي وربنا يبارك له اولا هو ولا بييروح مدرسة ويغصب الطلاب انهم يروحوا له وكمان حاصل على اجازة بدون مرتب
يا جماعة 80 % من هذه النوعية حاصلين على اجازات بدون مرتب او معارين الى مدارس خاصة بالاسم فقط انتوا تعرفوا ان في مدارس خاصة بتشتري اسماء هؤلاء المعلمين علشان بس يكون من ضمن العاملين بها الموضوع ده في الاقاليم معروف قوي اسلوب جذب للمدرسة زي مدرسة مثلا يكون بيطلع منها الاوائل تلاقي الناس بتتقاتل علشان يدخلوا اولادهم هذه المدرسة ولما تفحصت امر هذه المدرسة الخاصة وجدت انهم لا يقبولون من يحصل على اقل من 95 % من مجموع الشهادة الاعدادية او زيادة يعني مثلا هذا العام كنت باتحدث مع مختص بهذه المدرسة باسأله انتوا قبلتوا لحد مجموع كام في الثانوي قال لو في أكثر من 300 درجة كنا اشترطنا بالمجموع الاعلى
طيب ايه الحل
صراحة انا احترت مع اني بادور على معلم لأبنتي اللى لسه ملتحقة هذا العام kg1 بالمدارس الرسمية للغات
ومن هنا سألت نفسي لما السبب في ذلك
فعلمت السبب من اجابتي بأننى لم اثق بالمدرسة بان ابنتى تصعد للمرحلة الابتدائية واثق انها تعرف تقرأ او تكتب وممكن تصعيدها للمرحلة الاعدادية ويكون عندها نفس المشكلة
ومن هنا نجد الحل لابد ان نرجع للمدرسة وللمعلم كيانه وهيبته انا لا اتحدث عن الرواتب فهذا اخر شيئ اتحدث عنه
يا سيادة وزير التربية والتعليم
يا سيادة رئيس مجلس الوزراء
الدروس الخصوصية مش هتتلغي انسوا
رجع للمدرسة هيبتها ووظيفتها وبعد كده دور على الدروس ما ينفعش تلغي البديل والاصل عندك خربان
ايه المشلكة لما ترخص مزاولة المهنة لمعلم الدروس الخصوصية وتطلب منه يشغل خمسة خريجين عنده بمواصفات التعاقد الحكومية ايه المشكلة
يا جماعة هذا الكلام من وجهة نظري فقط ممكن يكون في حد ضدي بس يا جماعة لو دورت على نفسك انت ممكن تبيع اي حاجه علشان تعلم ابنك تعليم جيد مش هترميه في مدرسة حكومية وفي الاخر يطلع من ابتدائي ما يعرفش يكتب ولا يقرأ والله يا جماعة في خريجي كليات بيكتبوا غلط عندهم اخطاء كثيرة املائية للأسف

Mr.Riad


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
لاتستطيع الرد على المواضيع في هذا المنتدى