هام جدا جدا: لكل الزملاء المعارين لسلطنة عمان

استعرض الموضوع السابق استعرض الموضوع التالي اذهب الى الأسفل

19082015

مُساهمة 

. هام جدا جدا: لكل الزملاء المعارين لسلطنة عمان





عزيزتي المعلمة / عزيزي المعلم
المعار / المتعاقد هذا العام
○ ستوقعون العقود و ستحصلون على التأشيرات و تذاكر الطيران و ستسافرون بمشيئة الله متمنين لكم رحلة موفقة ؛ لكن نريد في الرابطة ان نوضح عدة امور :
● سيتم استقبالكم في مطار مسقط بشكل محترم و كذلك في المديريات التى ستوزعون عليها.
● اعتز بكرامتك فهي اغلى شيء و ما تخليش حد مهما كان جنسيته او ***ه او لونه يقلل من شأنك.
(((الكلام اللي جاي ممكن تلاقيه و لو محظوظ مش هتقابله)))
● انت و حظك في التوزيع و لكن لابد ان تعي انك ذاهب لسد العجز و من بنود عقدك القبول بالعمل في اي مكان بالسلطنة ( اكرر اي مكان ).
● راتبك 425 ريال و لك 30 ريال لو لم يتوفر باص ( و باص يعني اتوبيس ) لنقلك الى و من المدرسة يعني الاجمالي 455 و مفيش زيادة الا في 1/1 سنة 2017 و مقدارها 8 ريالات.
● السكن عليهم للعزاب ( و العزاب معناه اللي مش معاه اسرته او اسرتها ) و المفروض لك غرفة خاصة و فيها ثلاجة و ترابيزة و كرسي و دولاب و سرير و انت بتشتري باقي فرش السرير و ممكن مشرف السكن يقول لك اسكن مع زميل حتى ندبر لك غرفة انسى ممكن تعدي سنين اعاراتك و ما يتحققش ، صمم على حقك من البداية عشان مش تيجي تعيط و تشتكي ، لان فيه اشكال تتسم باللوم و المكر و هيطهءوك في عيشتك.
● في المدرسة هيرحب بك المدير و هيحتفي بك و في نفس الوقت هيسلط عليك الجواسيس من كل ال***يات ينقلوا له كلامك و انت عارف الواطيين في كل مكان ؛ قلل كلامك و اجاباتك على اد السؤال.
و فيه نوعية من المديرين مخبرين حتى على المعلمين العمانيين و مؤذيين بطبعهم لكن هؤلاء قلة قليلة جدا و سمعتهم معروفة في الولاية اللي هتشتغل فيها. و مالكش دعوة بمذاهب و لا سياسة خليك في شغلك.
● فيه مدرسين من ***يتك بيسخنوك و دول اول ناس واطية يبعوك افرز الناس كويس و فيه ناس بينها و بينك حبايبك و بيعزوك لكن عند كلمة الحق مش بتلاقيهم .
● معاملتك مع المعلم الاول بحدود حتى لو ضيعت عي*** عشانه و عشان الاعمال مش هيعبرك لو مشرف او مدير مدرسة باعوك و طبعا بينسى كل اللي عملته في لحظة .
● استقدام الاسرة بعد استخراج الرقم الوظيفي و الذي يبدأ ب 16 و ده بيطلع من وزارة الخدمة المدنية بقرار تعيين و بعده بتعمل بطاقة مقيم من بعدها تبدأ في اجراءات جلب الاسرة و على حسابك من الالف للياء و عشان تستقدمهم على حسابهم ربنا يعطيك طول العمر ممكن كدة على 2019 او 2020 حسب الدور و لكن ممكن تصرف 50 ريال بدل سكن لو انت مش ساكن في السكنات و معاك اسرتك و السكن من 250 حتى تقريبا اقل شيء 80 في الولايات البعيدة .
● خلي بالك و لا تستعرض مهاراتك... اعمل العمل المطلوب فقط و لو بتدي دروس ادي من اول يوم و لا يهمك عادي طالما مش بتقول و تطلب من الطلاب في المدرسة ... يعني الافضل تبعد عن طلابك و مدرستك و بعد الحاح من ولي الامر يعني تقول له اعطيني فرصة اشوف مواعيدي و ارتب لك ميعاد و ما تعملشي مثالي مثلنا هتندم .
● تعاملاتك هتكون مع المنسق و ده المسئول عن كل شئ يعني مدير شئون العاملين بالمدرسة اول واحد تأخذ تلفونه و استفسر منه عن كل شئ بس بالله عليكم بلاش الحاجات اللي ملهاش لازمة و تافهة لانهم هيقعدوا مع بعض و هيقولوا شفت المعلم المصري الجديد بيقول ايه و بيتندروا !!!
● و انت في الجامع و الشارع و الهايبرات مش ترغي كتيير حتى مع مشايخ الجوامع المصريين فيه قلة منهم مش كويسين و مدعين زي ما انت عارف في كل البلاد العربية فيه مخبرين و انتم عارفين كده و ربما يكون شخص بسيط يسألك ...كيف مصر ؟ الحمد لله
مرسي و الا سيسي ؟ مصري
سني هي مصر سنية ؟ كلنا مسلمين و هكذا ....
و اكرر احترس من ولاد بلدك و كذلك من الوافدين الآخرين .
و اترك انا الآن المجال للزملاء القدامى للاضافة او الاعتراض و ارجوكم مش عايزين حد يقول تشاؤم احنا بنوضح الامور لو هتحصل بنسبة 1%.......
رابطة المعلمين الوافدين بسلطنة عمان

Mr.Riad


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
لاتستطيع الرد على المواضيع في هذا المنتدى