للأساتذة اللي المديريات و الادارات التعليمية بعتتلهم لأنهم مرشحين لاِعارة لسلطنة عُمان للعام 2015-2016
1- المقابلات مع اللجنة هتكون في 6 أكتوبر - المدينة التعليمية - أيام 26 و 27 و 28 يوليو حوالي الساعة 9 ص
2- الأوراق المطلوبة - شهادة خبرة- شهادة التخرج الأصلية (المؤهل الأصلي) - جواز سفر ساري- صورة شخصية 4 في 6 و فيه ناس أتقالهم 5 صور شخصية - 3 أرقام تليفون

** مُلاحظاتي المتواضعة
1- الكُل حاسس بخوف من الامتحان التحريري خاصة مدرسين الابتدائي و خصوصا أكتر بتوع العلوم

.. السبب عدم وضوح الرؤية بشأن المحتوي اللي هنمتحن فيه .. التعليقات تنحصر في هتمتحنو علي المرحلة اللي بتدرسو فيها : كُله بيمتحن في مناهج الثانوي!! .. و فيه رأي بيقول أن مدرس دراسات أو عربي ابتدائي هيمتحن في اللغة العربية و معلومات تاريخية و جغرافية عن دولة عُمان و تربية اسلامية .. في حين مدرس الرياضيات أو العلوم ابتدائي هيمتحن في العلوم و الرياضيات (الـــ2

) و مدرس الاعدادي أو الثانوي هيمتحن في تخصصه علي مناهج من 3 اعدادي لحد 3 ثانوي بتاعنا/بتاعهم/ أو بتاعنا كُلنا
‏‎
2- التربوي مهم و كُله هيكون عنده أسئلة تخص التربوي و طرق التدريس و التقويم

3- فيه أستاذ نصح أحد المرشحين للأعارة بالاِنتظار لتاني يوم لحد ما الامتحان يتعرف , و أعتقد أن كُل سنة و ليها ظروفها علي حسب احتياج السلطنة و الخطة اللي رسماها وزارة التعليم العمانية لسد الاحتياج ده , علشان كده التوجه للامتحان في نفس اليوم المحدد للمعلم هو أسلّم الأمور علي الاِطلاق

7- أتمني الخير للجميع و محدش عارف!! يمكن في السفر خير و يمكن في عدم السفر خير أكتر