الله يخرب بيت المدرسين على يخرب بيت الدكاترة !!!! بقلم د / محمد زهران

استعرض الموضوع السابق استعرض الموضوع التالي اذهب الى الأسفل

13042015

مُساهمة 

. الله يخرب بيت المدرسين على يخرب بيت الدكاترة !!!! بقلم د / محمد زهران




كتب / محمد زهران
الله يخرب بيت المدرسين على يخرب بيت الدكاترة !!!!
كنت بكشف على إبني من ساعتين تقريباً في إحدى المستشفيات الخاصة بالمطرية وبعدين واحد عصبي جاي يكشف في عيادة الرمد وقاعد يشتم على الاطباء لأن الدكتور كان المفروض معاده الساعة 6 والدكتور لحد الساعة 8 مكنش حضر ، وبعدين الراجل قعد يقول : كادر إيه أبو كادر هو وهو دول ياكلوا مال النبي قال بيعتصموا قال !!! تلاقي الباشا الدكتور في عيادة تانيه وتالته ... قال وعايزين كادر ... ؟ !! الله يخرب بيت الدكاترة على بيت المدرسين في ساعة واحدة زي ما همه خاربين بيوتنا !!! فأنا طبعاً - قلت له بس يا حاج همه المدرسين مالهم ومال المستشفى ومال الدكتور ؟ !!! الراجل جت له نوبة تشنج وعصبية وكان ناقص يخبطني بالكرسي !!!! ستر ربنا إن أنا كنت لابس جينز ومحدش من الموجودين يعرفني !!!! لكن الراجل مُصر يتخانق معايا وهو متنرفز قال لي : يا أستاذ هو انت بتدافع عن المدرسين ليه هو انت مدرس ؟ !!! قلت له : مدرس أعوذُ بالله ...؟!!!! دول ياكلوا مال النبي ... !!!!!!! أول ما الراجل جاب سيرة المعلمين كل اللي قاعدين بدأوا يشتموا محروقين من الدروس الخصوصية !!!! المشكلة في المدام جنبي بتقول لي بصوت واطي : تحب أقول للناس دي إنت مين ؟ !!! لكن واحد من اللي قاعدين قاعد من الأول يبص لي من فوق لتحت بيتأكد من شخصيتي ومن حسن حظي إنه جاي يكشف رمد فماشفنيش كويس ، لكن هو مُصر إن يتأكد من شخصيتي ، ففوجئت به بيقول : واللي زاد وغطى الراجل اللي اسمه محمد زهران اللي من عندنا من المطرية هو اللي بيتكلم في موضوع الكادر بتاع المدرسين !!!! فعملت إن أنا مش سامع !!!! ، فراح موجه لي الكلام - وقال لي : تعرفه يا أستاذ ؟ !!! قلت له مين ؟ !!!!! قال : محمد زهران !!! قلت له : قُطع وقُطعت سيرته !!! .... بعد شوية الدكتور جه وكان علينا الدور لأني حاجز في الأول فالممرضة نادت اسم ابني : محمد محمد زهران !!!! دخلت العيادة جري أنا والمدام وأول مكشفنا سيبت المدام على باب العيادة ونطيت على الشارع جري !!!! ما هو الجري نص المجدعة !!!! لسه المدام بتحكي لحماتي بره في الصالة وتقريباً حماتي قالت لها : كنتي قولي لهم من الأول : إن ده الدكتور محمد زهران ... !!!! حاكم حماتي بتحبني مووووووووووووووت ههههههههههه !!!!
دكتور محمد زهران ... مؤسس تيار استقلال المعلمين

العلم والايمان


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
لاتستطيع الرد على المواضيع في هذا المنتدى