مدرس اون لايندخول

معلمة تلقن وزير التعليم درسا قاسيا - لما نعيش فى زمن ضاعت فيه كرامتنا وهيبتنا وبقينا احناااا اللى بنخاف من التلاميذ

معلمة تلقن وزير التعليم درسا قاسيا - لما نعيش فى زمن ضاعت فيه كرامتنا وهيبتنا وبقينا احناااا اللى بنخاف من التلاميذ
بعد حادثة الإعتداء على معلم أطفيح معلمة تلقن وزير التعليم درسا قاسيا
أسامة درويش
جاءت تلك الكلمات على لسان إحدى معلمات مادة اللغه العربية بعد واقعة الإعتداء على معلم بأطفيح من قبل ولى أمر تلميذ بالمدرسة ووقوف وزارة التعليم مكتوفة الأيدى تجاه العاملين لديها وعدم استطاعتها الدفاع عنهم داخل مدارسهم فقالت تلك المعلمه بكل مرارة وحسرة فى عبارات شديدة الآسى والحزن على ما آلت إليه مهنة التعليم فى مصر قائلة : " أنا للأسف الشديد مدرسة لغة عربية ابتدائى .. وبقول للأسف لانى بجد بندم انى مدرسة وانى اشتغلت
فى مجال التعليم وانى دخلت كلية التربية من أصله.
لما نعيش فى زمن ضاعت فيه كرامتنا وهيبتنا وبقينا احناااا اللى بنخاف من التلاميذ لو بصينا لهم بصة مش عجباهم لحسن ييجى ولى امرهم يشتكينا بالأذى النفسى وندخل فى حوارات احنا فى غنى عنها .. لما حتة عيلة فى خامسة ابتدائى تقف تبجح لمدرستها وتشوح بإيديها وهى بتكلمها بأسلوب أقل ما يوصف بأنه أسلوب زبالة.. لما المدرسة تذنب البنت على أسلوبها الزبالة وتتفاجئ تانى يوم بولى جاى يشتكيها أنها أذت بنته نفسيا وأنه هيحول المدرسة دى للتحقيق وفعلا تتحول للتحقيق رغم سمعتها الطيبة فى شغلها وضميرها وأخلاقها .. ولما ولى الأمر ( اللى للأسف يبقى مدير مدرسة فى أبو عطوة فى الإسماعيلية ) يهدد إنه هيعمل بلاغ فى القسم ضد المدرسة لو ذنبت بنته تانى .. لما البنت تقف تبجح تانى وبأسلوب أزبل من الأول والمدرسة ماتقدرش تعمل لها حاجة لأنها مش بتاعة مشاكل وقرف .. لما كل ده يحصل لمدرسة كل خطئها إنها عندها ضمير وذمة فى شغلها .. يبقى بجد للأسف إنها بتشتغل مدرسة .احباااط ما بعده احباط .. قهر وظلم وخنقة ملهاش وصف بجد أنا بندم إنى حبيت مهنة التدريس فى يوم من الأيام بندم إنى اشتغلت بذمة وبضمير لناس ما يستاهلوش . بندم إنى مدرسة لغة عربية ودين اسلامى فى مدرسة ابتدائى .. وبفكر جدياااااا فى طلب تحويل عملى لأعمال إدارية فى أى ادارة تعليمية .. أعيش بكرامة وأنا إدارية .. ولا أتهان وأتمرمط وأنا مدرسة ( معلمة أجيال ) ؟؟" .
كانت هذه عبارات تلك المعلمه فهل ياترى سيحرك ذلك ساكنا من قبل وزارة التعليم التى دائما ما ترفع شعار النوم فى العسل تجاه سلسلة الإعتداءات على المدرسين داخل مدارسهم وهل ستتخذ موقفا حازما مثلما يحدث عند تعدي مدرس على تلميذ ؟؟ هذا ما ستكشف عنه الأيام القادمه .
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى