تحية طيبة و بعد .. اللى حابب يأسس ابنه او بنته فى الانجلش يا ريت ميهتمش بالدراسة و انه يقفل الامتحان وبس عشان دى الغلطة اللى احنا وقعنا فيها و بنعانى منها دلوقتى جدا و احنا على وش التخرج .. المشكلة ان احنا اتعلمنا غلط اتعلمنا نطق ىنجليزى باللكنةة المصرية و كمان محدش عودنا على ان احنا لا نسمع ولا حتى نحاول نتكلم ولا حتى ننطق صح ع الاقل .. نداء لاولياء الامور اهتمو بالانجليزى اوى لانه مطلوب جدا فى. سوق العمل و اسسوهم من دلوقتى عشان تريحوهم .. نداء للمدرسين الافاضل يا ريت متخلوش الحصة كلها اهم ما فيها ان الطالب يحل الامتحان و يسمع كتابى و خلاص و تبقى فرحان بيه لو قفل لو فى ملفات صوتية خاصة بالمنهج خليهم يسمعوها ممكن 10 دقايق بس فى الحصة تخليهم يتكلمو انجلش عشان يكسرو الرهبة اللى جواهم .. ده موقع لذيذ اوى ابتدو ممه لولادكو كل يوم و يوم يسمعو فيديو منه على الاقل عشر مرات خمسة الصبح و خمسة بليل عشان يتعود ع السمع و النطق و نصيحة منى لوجه الله و انا مجربها اللى هيخلى ابنه فى وقت الدراسة يركز فى المنهج بس و ابنه ميمارسش ولا يسمع انجلش ولا يتكلم طول الدراسة و ييجى يديله انجلش صح فى الاجازة تأكد تماما انك بتنفخ فى قربة مخرومة هيتحسن فى الاجازة و لكن هيرجع تانى فى الدراسة لازم ممارسة شبه يومية اللهم انى بلغت اللهم فاشهد
الموقع اهو
www.engvid.com
الموقع اهو
www.engvid.com
زكى الدسوقى2014-11-11, 11:25 am