اول يوم دراسة كل طالب ومعاه باباه أو مامته يعني الفصل كان فيه 60 طالب + 60 ولي امر
النهاردة كان أول يوم. فالمدارس بصراحة كان يوم مقرف وشاق ومرهق جدا انا روحت حيلي مهدود وكل دا بسبب تعنت وعدم تعاون أولياء الأمور اللي دخلو جوه الفصول يعني كل طالب ومعاه باباه أو مامته يعني الفصل كان فيه 60 طالب و 60 ولي امر وكلهم عايزين يقعدو ولادهم فالدسك الاول خلي بالكو معايا ال 60 طالب يقعدو فالدسك الاول وباقي الدسكات نسبها فاضية وكلهم بيقولو نفس الجمله انا ابني/ بنتي نظرها ضعيف ولازم يقعد فالدسك الاول مع اني مشفتش ولا طالب فيهم لابس نضارة حتي المهم بعد محاولا مستميته وتدخل من بعض المدرسين والعمال ثم المدير وبعد مرور اكثر من ساعه الا ربع تم فض الاعتصام بس للاسف كان سعتها صوتي راح وكمان اكثر من نص الحصة ضاع ولكني حاولت اراجع علي اساسيات اللغة وغير كده انا دخلت فصلين واحد خامسة والاخر ساته ومقولكوش علي المستوي الغير مبشر علي الاطلاق اسفة اذا كنت بتكلم علي موضوع خارخ اطار الجروب بس بجد حسيت اني عايزة افضفض باللي شوفته لأحسن أنهار واسفة علي الاطاله شكرا
منقول عن
Doaa El Karwan