مدرس اون لايندخول

مراجعة المضايق جغرافيا 2 اعدادى مس سارة محمود

في تانية اعدادي والمضايق مضيقة عليك حياتك ؟ وتجيبها كده تجيلك كده ومش عارف تحفظ مين بيودي فين .
ركز معايا دقيقة وحتفظهم بأمر الله في ثانية إلا ثانية
يعني ايه مضيق الأول ؟ يعني الممر الضيق اللي بتعدي فيه السفن من مية لمية باختصار .
اول صورة مجمعة لل٣ مضايق
تعالى نبتدي بأول واحد فوق عالشمال مضيق جبل طارق وهتلاقي جنبه حصان وعليه فارس اهو الفارس ده هو طارق نفسه ده البطل المسلم طارق ابن زياد اللي خرج من المغرب وعدى الناحية التانية لأسبانيا عشان يفتحها وفعلا اتفتحت على ايده وعشان كده اتسمى الجبل اللي هناك على اسمه وكمان المضيق مضيق ((جبل طارق))
وبكده تكون عرفت مكان المضيق ومعاه كمان مين بيشرف عليه
ننزل تحت كده عند اخر البحر الأحمر في ممر ضيق هنا كده وطبعا انت عارف من زمان ان البحر الأحمر مليااان شعاب مرجانية بالذات بقى في المضيق ده فكان مليان شعاب وصخور وده اللي خلى السفن وهي معدية تتخبط وتتهز ويقع منها ناس كتير ويموتوا والبلقي اللي بيعيش يفضل يندب عليهم ويولول طول الطريق ومن هنا جت تسميته باب المندب وهتلاقي واحدة تحت جنب اليمن قايمة بالواجب  بتقول ((يالهوتاااااي)). بص بقى كده جنب الست دي هتلاقي((چيب سودة مكتوب عليها چيب وتي )) عشان تفكرك ان اللي بيشرف عليها مع اليمن دولة چيبوتي
نيجي بقى لمضيق هرمز ياترى إيه اللي هَرمزه ده كمان قالك يا سيدي اللي هرمزه هو الملك هُرمز شخصيا ده كان ملك بيحكم ايران زمان وهتلاقي العملة بتاعته وعليها صورته جنبه تفكرك بمكان ايران ومكان هرمز ..مين بقى الراجل ابو عمة اللي واقف قصاده الناحية التانية ده؟ ده بقى الُعماني أبو عمة والاتنين واقفين قصاد بعض بيراقبوا بعض عشان محدش فيهم ياخد حتة من المضيق ويجري وبكده تبقى عرفت اللي بيشرف على هرمز هو المتهرمز( إيران وعمان ) والكلمتين قريبين من بعض جدا .
حطالك تحت صور لكل مضيق لوحده عشان تقربلك الصورة
ودمنا واكلين الخرايط قبل ماتاكلنا
مراجعة المضايق جغرافيا 2 اعدادى مس سارة محمود 11157
مراجعة المضايق جغرافيا 2 اعدادى مس سارة محمود 12118
مراجعة المضايق جغرافيا 2 اعدادى مس سارة محمود 13109
مراجعة المضايق جغرافيا 2 اعدادى مس سارة محمود 14105
جغرافيا_تانية_اعدادي
مس سادة محمود
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى