شرح حاصل ضرب عددين بتبسيط شديد- حساب رابعة ابتدائى ترم اول
زمان وفي الصفوف الأولية كان يتم تحفظينا جداول الضرب
بتذكر الخطة كانت بتبدأ تقريبا من الصف الثاني ابتدائي بتحفيظ جداول 1 و2 و3 ثم تستمر العملية في الصفوف التالية
وبتذكر كان هناك تسميع دوري لجداول الضرب من جانب الاساتذة ويكون هناك حصص لتسميع الجداول وقد استفدنا منها كثيرا
على الرغم من صعوبة الحفظ وكره الطلاب للحفظ عموما - على المستوى الشخصي بتذكر اني حافظ الجداول من جدول 2 إلى جدول 12
ولكن هناك مشكلة قاعدة تواجهني وهي عندما اتخطى حاجز الـ 10 في الجدول - مثلا جدول 7 معروف انه 7 في 10 بي سبعين - لكن لو الاستاذ سألك وبدأ ليك
وقال ليك 7 في 12 بي كم؟ طريقتي في الحفظ كانت انو بسرعة بضرّب 7 في 11 وهي معروفة بي 77 واضيف ليها سريع 7 ويصبح الناتج 84 وهكذا مع بقية الجداول

كان عندنا استاذ بيقول: الما بيحفظ جداول الضرب مالو ؟؟؟؟ ونتمها نحن ونقول بصوت واحد: بنضرب :)
----

الطريقة اللي حصلتها في الفيس بوك خاصة بايجاد حاصل ضرب الأعداد من 11 إلى 19 في بعضها البعض وهي طريقة سهلة وما كنا عارفينها في الزمن داك

الجيل الحالي من طلاب المدارس ما عارف طريقتهم في حفظ الجداول ؟؟؟ هل لسه في حفظ جداول ولا الالات الحاسبة حلت محل الحفظ وبقى ما في حفظ زي زمان

المهم نبدأ في الطريقة وهي مثلا لو دايرين نضرب 12 × 13 في زمنا كنا بنضع العددين تحت بعض كما يلي:

13
12 ×
_____
0 13 (نضع صفر في خانة الآحاد)
6 2 +
____
156 ويبقى الناتج 156

الطريقة الحديثة والمنقولة من صفحة الفيس بوك اننا لو دايرين نضرب 13 في 12 نضرب 3 في 2 (3×2=6) خانة الآحاد ، نجمع (3+2= 5) خانة العشرات ونضع الواحد (1) في خانة المئات ويبقى حاصل الضرب هو 156

مثال تاني:

لو دايرين نضرب 14 في 12 في خانة الآحاد (8) وفي خانة العشرات (6) وفي خانة المئات الواحد ثابت (1) يبقى حاصل الضرب هو 168

مثال آخر:

مثلا دايرين نضرب 14 في 13 في خانة الآحاد (4×3= 12) في حالة نضع الـ (2) ونضيف الواحد الزائد لعملية الجمع اللي ح تجي في خانة العشرات (4+3) + 1 = 8 ، وفي خانة المئات نضع 1 ويبقى الناتج 182

مثال أخير:

حاصل ضرب 19 × 17 = في خانة الآحاد (9×7= 63) نضع في خانة الآحاد 3 والستة نحولها لخانة العشرات (9+7) + 6 = 22 ، خانة العشرات ح نضع فيها 2 (الـ 2 التانية ننقلها لخانة المئات)، خانة المئات تبقى 1+2= 3
إذن الناتج 323

بعد التدريب على الطريقة بتقى ساهلة جدا وممكن الواحد يضرب الناتج بدون ما يحتاج لورقة وقلم ......

ويمكن اتباع هذه الطريقة في ايجاد حاصل ضرب الأعداد الأكبر من 19 ....