تبسيط الفعل اللازم والفعل المتعدى ..

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

10112013

مُساهمة 

modars1 تبسيط الفعل اللازم والفعل المتعدى ..








الفعل اللازم والفعل المتعدى ..
ــــــــــــــــــــــــــــــــــــــــــــ

فى الأول لازم نتفق إن الجملة الفعلية لها ثلاثة أركان { الفعل _ الفاعل _ المفعول به } ..
مثل >> شرب أحمد اللبن ..
شرب .. الفعل ..
أحمد .. الفاعل ..
اللبن .. مفعول به ..

الفعل والفاعل ركنان أساسيان فى الجملة الفعلية ولا يمكن أبدا الإستغناء عن واحد فيهم ..

إذا فيه أفعال ممكن تستغنى عن المفعول به وتكتفى بالفاعل فقط .. وهى ما تسمى بالأفعال اللازمة ..
وده لأنها تلزم فاعلها وتكتفى بيه و مش محتاجة لمفعول به علشان معنى الجملة يتم ..
ومن الأفعال دى { نام _ خرج _ ذهب } ..
يعنى مثلا .. نام زيد _ خرجت منى _ ذهب على ..
الجملة هنا أنا فهمت منها معنى ومش محتاجة مفعول به علشان أكمل الجملة ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

الفعل المتعدى ..
ــــــــــــــــــــــــــ

الفعل المتعدى .. هو الفعل الذى لا تتم جملته إلا بمفعول به ..
يعنى ماقدرش أفهم معنى الجملة من غير مفعول به .. فهو محتاج المفعول به علشان معناه يتم ..

مثلا .. اشترى أحمد كتاب ..
هنا ماقدرش أقول اشترى أحمد وأسكت !! كدة الجملة ماكملتش وأنا مافهمتش حاجة ..
الفعل .. اشترى .. محتاج المفعول به .. الكتاب .. علشان يكون فيه معنى للجملة ..

** والفعل المتعدى ينقسم لقسمين { متعدى لمفعول _ متعدى لمفعولين } ..

# المتعدى لمفعول واحد زى المثال اللى قلناه فوق { اشترى أحمد كتاب } ..
# لكن الفعل المتعدى لمفعولين .. لا يكتفى بمفعول به واحد فقط لتتم الجملة .. لازم له مفعولين علشان أقدر أفهم الكلام ..
ومن الأفعال دى { أعطى _ ألبس }
فمثلا لو قلت _ أعطى على محمد ....... أنا مافهمتش حاجة ..
لكن لو قلت _ أعطى على محمد قلم _ هنا تم معنى الجملة ..
ويكون ..
أعطى == الفعل ..
على == فاعل ..
محمد == مفعول به أول ..
قلم == مفعول به ثانى ..

ومن الأفعال المتعدية لمفعولين كمان .. جميع أفعال الظن { ظن _ حسب _ خال .... }
ظن أحمد المدرسة قريبة ..

ـــــــــــــــــــــــــــــــــــــــــــــــــــــــــــــــــــــــــــــــــــــــ

طيب ازاى أولادنا يفرقوا الفعل المتعدى من اللازم من غير لخبطة ؟؟
فيه طريقة سهلة جدا تفرق الفعلين من بعض ..

هى إننا نضيف للفعل ضمير نصب .. زى إيه ؟؟ ..
زى { هاء الغائب _ كاف الخطاب } ..
لو الفعل ماقبلش الضمير فهو لازم .. وإذا قبله يبقى متعدى ..
مثلا ..
* فعل زى _ نام _ إذا حبيت أضيف له هاء الغائب هايكون { نامه } لا يصح .. إذا هو لازم ..

* لكن فعل زى _ ضرب _ إذا أضفت له هاء الغائب أصبح { ضربه } هنا الفعل صحيح وقبل الإضافة .. إذا هو فعل متعدى ..







العلم والايمان


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تبسيط الفعل اللازم والفعل المتعدى .. :: تعاليق

مُساهمة في 06.12.13 15:37 من طرف kabelbat

تسلم الايادى

الرجوع الى أعلى الصفحة اذهب الى الأسفل

مُساهمة في 02.11.14 22:51 من طرف الؤلؤة السوداء

الله ينور بجد

الرجوع الى أعلى الصفحة اذهب الى الأسفل

مُساهمة في 07.11.14 23:15 من طرف المدرس الاول

جزاك الله خيرا

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
تستطيع الرد على المواضيع في هذا المنتدى