تبسيط المبتدأ والخبر ..

استعرض الموضوع السابق استعرض الموضوع التالي اذهب الى الأسفل

10112013

مُساهمة 

. تبسيط المبتدأ والخبر ..




السلام عليكم يا أحلى أعضاء ..
ـــــــــــــــــــــــــــــــــــــــــــــــ
المبتدأ والخبر ..
ــــــــــــــــــــــ

الأول خلينا نكون عارفين إن الجملة فى اللغة العربية نوعين .. ( اسمية _ فعلية ) ..
الاسمية ــــــــ هى الجملة التى تبدأ بـاسم .. زى ( مدرسة _ أحمد _ حقيبة _ شارع .. )
الفعلية ــــــــ هى الجملة التى تبدأ بفعل زى ( يلعب _ ذاكر _ يحاول ... )

الجملة الاسمية لها ركنان أساسيان لا يمكن تستغنى عن واحد فيهم أبدا .. هم المبتدأ والخبر ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أولا : المبتدأ ..
ـــــــــــــــــــــــ

المبتدأ هو الاسم المتحدث عنه .. يعنى هو الاسم اللى بتتكلم عنه الجملة ..

مثلا .. محمد مجتهد ..
هنا بنتكلم عن محمد .. إذا .. محمد هو المبتدأ ..
... المدرسة منارة العلم ..
هنا بنتكلم عن المدرسة .. إذا المدرسة مبتدأ ..

## وغالبا بيكون المبتدأ فى أول الجملة الاسمية ...

ـــــــــــــــــــــــــــــــــــــــــــــــــــــــــــــــــــــــــــــــــــــ

ثانيا : الخبر ..
ـــــــــــــــــــــ

الخبر هو الجزء المتحدث به عن المبتدأ .. يعنى المعلومة اللى بنقولها عن المبتدأ ..
و الخبر هو المتمم لمعنى الجملة .. يعنى من غيره مانقدرش نفهم الجملة ..

مثلا .. محمد مجتهد ..
المعلومة اللى عاوزة أقولها عن محمد إنه مجتهد ومن غيرها مش هاقدر أفهم معنى للجملة .. إذا .. مجتهد هى الخبر ..
....... المدرسة منارة العلم ..
المعلومة اللى عاوزة أقولها عن المدرسة إنها منارة .. إذا منارة هى الخبر ..
والعلم هنا مضاف إليه ..
• معنى كدة إن مش لازم الجملة تقف عند الخبر .. ممكن يتضاف إليها أجزاء تانية .. لكن اللى ماتقدرش تستغنى عنه هما المبتدأ والخبر ..

ـــــــــــــــــــــــــــــــــــــــــــــــــــــــــ

طيب الحالة الإعرابية للمبتدأ والخبر بتكون إيه ؟؟

اتفقنا إن فيه أربع حالات إعرابية فى اللغة العربية ..
} الرفع _ النصب _ الجر _ الجزم {
وشرحناهم بالتفصيل فى درس علامات الإعراب الأصلية والفرعية ..

المبتدا والخبر دائما بيدخلوا فى حالة الرفع .. دائما مرفوعين ..
وحسب نوع الكلمة بتكون العلامة الإعرابية ..

• لو مفرد ترفع بالضمة ــــــــ الأبُ حاضرٌ ..
الأب == مبتدأ مرفوع وعلامة رفعه الضمة ..
حاضر == خبر مرفوع وعلامة رفعه الضمة ..

• ولو مثنى ترفع بالألف ــــــــــــ الطالبان مجتهدان ..
الطالبان == مبتدأ مرفوع وعلامة رفعه الألف لأنه مثنى ..
مجتهدان == خبر مرفوع وعلامة رفعه الألف لأنه مثنى ..

• ولو كان جمع مذكر سالم يرفع بالواو ـــــــــــــ المدرسون محترمون ..
المدرسون == مبتدأ مرفوع وعلامة رفعه الواو لأنه جمع مذكر سالم ..
محترمون == خبر مرفوع وعلامة رفعه الواو لأنه جمع مذكر سالم ..



العلم والايمان


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
لاتستطيع الرد على المواضيع في هذا المنتدى