أهم مشاكل الموتوسيكلات الصينى

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

13092011

مُساهمة 

modars1 أهم مشاكل الموتوسيكلات الصينى






أول مشكلة تقابل اللى راكب الموتوسيكل الصينى انا يبقى ماشى بيه عادى جداً وفجأة يبطل منه .... يا ترى الماكنة بتعمل كيدة ليه ؟
عاوزين طبعاً نعرف الإجابة ...
عشان نعرف الحل لازم نعمل الحاجات دى :
أولاً: نشوف مسمار السلانسيه بتاع الكاربيراتير عالى ولا واطى لو كان واطى نعليه سنة عشان الماكنة تفضل شغالة . [ مسمار السلانسية بيبقى فى الجانب الأيمن من الكاربيراتير وهو المسمار الوحيد اللى طالع برة ] .
ثانياً: لو طلع العيب مش من السلانسيه ..... فيبقى العيب من التكهات ... طب نعرف إزاى انه من التكهات ؟ بطريقة سهلة جداً نسيب الماكنة شغالة ونسمع صوت الماكنة لو لقينة تقطيع فى صوت الماكينة وصوت عامل زى أكن حاجة سيبه تبقى التكهات عاوزة تظبط وينصح بالذهاب إلى الميكانيكى وبلاش تعملوها بأيديكم .
ثالثاً: البنزين ... ممكن يكون من البنزين اللى بتحطه فى الماكينة لو بنزين 80 ينصح بوضع فلتر مع فى خرطوم البنزين عشان ينقى البنزين وهو داخل على الكاربيراتير .
رابعاً: البيجو بتاع الموتوسيكل ممكن يكون هو السبب برده فنفك البيجو ونلقى عليه نظرة لو كان وسخ ننضفه بالبنزين لغاية لما السواد اللى عليه يروح مش هتعرف تنضفه هات واحد جديد ورايح بالك .
ـــــــــــــــ
لو جيت تدور الموتوسيكل بتاعك الصبح أو فى أى وقت .... مع انك كنت ماشى بيه قبلها بشوية ... وجيت فتحت مفتاح الكونتاك ملقيتش أى كهرباء فى الماكنة ... تعمل ايه ... تعالى نشوف الحل سوى ؟
أول حاجة تتأكد منها ، تتأكد ان البطارية سليمة ومش بايظة .
ثانى حاجة تبص على الفيوزة بتاعت المارش ، اللى هى فى علبة بلاستيك بيضاء بجانب البطارية فى الموتوسيكلات الريس والدايو 4 ، وبتكون تحت الكرسى فى باقى الموتوسيكلات ، لو لقيت السلك اللى جوة فى الفيوزة سايح ، مقطوع يعنى ، تبدلها بواحدة جديدة علطول ، ولو مفيش واحدة جديدة فى ساعتها اعمل فرد سلك شعر ولفه على الفيوزة اللى بايظة من أول البلاتينة اللى فوق للبلاتينى اللى تحت بحيث يكون السلك ملفوف عليها لفة واحدة ويكون فرد سلك واحد رفيع ميكونش شوية سلوك فى بعض ، والكلام ده لغاية لما تجيب فيوزة جديدة يعنى متمشيش بيها علطول ، وركب ياعم ، ودور مرش ، واركب الموتوسيكل وادعيلى .
ثالث حاجة ممكن يكون كبل البطارية عليه ملح أبيض ، نعمل ايه ... نجيب ماية فترة [ لا هى سخنة أول ولا هى ساقعة أوى ] ونكبها على الملح الأبيض اللى على البطارية لغاية لما تنضف ، وبعدين نتأكد ان الكهرباء شغالة ، وبعد كيدة عشان الملح ده ميتكونش تانى نجيب حتة شحم اسود ونحطه على البطارية [ الموجب بتاع البطارية والسالب ] ، وشغل ياعم الماكنة .
ملقيتش فى أى حاجة من دول عيب ، روح لأقرب ميكانيكى ، عشان فى عيوب أخرى مش هتعرف تعملها وينصح بكهربائى موتوسيكلات .




المهندس


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

أهم مشاكل الموتوسيكلات الصينى :: تعاليق

مُساهمة في 02.11.11 8:45 من طرف شنيساوى

مشكور جزاك الله خيرا

الرجوع الى أعلى الصفحة اذهب الى الأسفل

مُساهمة في 16.03.13 0:25 من طرف ???? ???

لو سمحت حضرتك
وبعد اذنك
علشان احنا يعنى شويه فى فن الصيانه
عايزين حضرتك تشرح الضفيره مع رسم واقعى للاجزاء ومكانها ووظيفه كل جزء ومسؤلياته
وبكدا نقدر نستفيد بجد
وعند حدوث اى عطل يمكن للجميع اصلاحه اثناء السير
ولكم جزيل الشكر :D [b]

الرجوع الى أعلى الصفحة اذهب الى الأسفل

مُساهمة في 05.04.14 22:21 من طرف egypt

شكراااااااااااااااا

الرجوع الى أعلى الصفحة اذهب الى الأسفل

مُساهمة في 05.06.14 5:49 من طرف yasersalah

شكراااااااااااااااااا

الرجوع الى أعلى الصفحة اذهب الى الأسفل

مُساهمة في 16.06.14 22:07 من طرف ريميتو

الله ينور عليك.

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
تستطيع الرد على المواضيع في هذا المنتدى