**الوضع بقى مرعب ... سيبوا كل اللي في إيديكم و اقعدوا مع عيالكم لا عيالكم ايه .. زوجاتكم و أولادكم و بناتكم ركزوا معاهم بضمايركم و قلوبكم و عقولكم اتقوا الله فيهم وراعوهم فإنكم مسؤولون امام الله ربوا عيالكوا يا ناس
معلش هتتعبوا شوية بس
قلة التربية طلعت لنا ناس غير سوية وأجيال معقدة
ناس بتكره نفسها قبل ما تكره غيرها ناس متعرفش يعني ايه احترام الغير واحترام الذات واحترام الأماكن مبتعرفش تحب الخير للي حواليها حتى لو اقرب الناس ليهم
ناس متعرفش يعني إيه الكلمة الطيبة صدقة مبتعرفش تصون عهد أو تحفظ سر
ناس وجودها أذيه للكل حتي لنفسهم متعلموش يحكموا ضميرهم في حاجة
ربوا عيالكوا إنهم ميحرجوش حد ويجبرو الخاطر ويساعدوا غيرهم
مش بالضرورة تكون كل الناس مثالية لأن محدش كامل أساسا بس ع الأقل تكون ناس متربيه صح أو حتى ميطلعوش نقص التربية ع هيئه أذيه لغيرهم مش كل اللي يشوفهم يدعي ع أهاليهم إنهم مدوش نفسهم فرصه يربوا عيالهمربوا عيالكم ياجماعة .
_______________
ربوا عيالكم علشان ما حدش هـ يربي غيركم ، رتم الحياة السريع ، وتطور الأشياء من حولنا مش مخلي حد فاضي يربي ، الكل مشغول بالدراسة وازاى يعدي منها وازاى نحجز عند المدرس الفلاني وازاى نقفل منهج ونمتحن ونأخد الاجازة ، علشان نحجز في المصيف الفلاني .
ربوا عيالكم صح ، زماااان كان في مدرسة بتزرع قيم ، كان في مُدرس بيعلم الصح من الغلط ويعلم الحلال من الحرام وكل ده وانت معاهم بنظرية 50% و50%
ربوا عيالكم صح ، لأننا والله بنشوف بلاااااوى في جيل بقي في ذمة الله .
جيل عرف بس يتعلم مهرجانات ويتأدب بأدابهم المبتذلة قولا وفعلا .
اعملوا كل يوم علي الاقل حاجة اسمها ساعة اخلاق ، اقعدوا مع عيالكم وعلموهم يعني ايه أخلاق وقيم .
يعني ايه بر وصلة رحم و تسامح وانك ما تخاصمش اخوك فوق ثلاث واحترام الكبير ومساعدة المحتاج ،ويعني ايه اداب الطريق وآداب الحديث وآداب الطعام وآداب الاستئذان
وحاجات كتير يمكن عيالكم مش عارفين حاجة عنها لأن ما بقاش حد فاضي يعلم اداب او اخلاق ولكن فاضيين نعلم
منهج عقيم استفادته الوحيد أن ابنك يعدي بس المرحلة دى