لو تعرف حد فى ثانوية عامة لازم يقرا الكلام دا
أنت لسه قاعد مكانك
ماسك الفون ومش قادر على بعده ..
- مش قااادر تمسك نفسك كام يوم ؟!
- الدرجة دي” حلمك “مش فارق معاك ؟!
- الدرجة دي خسارة في حلمك الجدية كام يوم ؟!
- للدرجة دي حلمك ملهوش قيمة عندك وميستاهلش تسهرله وتجِدّ علشان توصله ؟!
انت لو هتروح رحلة مجرد رحلة هتخطط لها اسبوع كامل .. .واكل ايه ولبس ايه وفلوس ايه والمناطق ال هتزورها …وتنشغل بيها وتأجل اي حاجة ..ودي مجرد رحلة ف يومين وتنتهي
طيب دا ” مستقبللللك ” ال هيفضل لازق فيك طول حياتك خسارة فيه كام يوم اجتهاد وتخطيط ؟!
فوق بس شوية وخليك مدرك انها حياتك الجاية وانت بتخطط لها .. فوق واعرف أنهم كام يوم ومستقبلك كله مرهون بنسبة كبيرة عليهم ..
الفرصة لسة قدامك واللة تبدأ بجد وتمسك ماده ماده تنجزها مذاكره وحل في نفس الوقت لسه معاك كام شهر اي دول كتير اه والله كتير ... اي دا أنت لسه بتقرا البوست قوم ياعم بجد اجري علي كتابك وذاكر والله ربنا كل شوية يبعتلك إشاره عايزك تذاكر وتاخد بالاسباب علشان يكرمك . مش عايز يزعلك وانت مش عايز تفرح نفسك وأهلك .... برضوا لسة بتقرا والله أنا بكلمك أنت .!! أيوه أنت
مش أنت اللي لسة متراكم عليك ماده ومش عارف تذاكرها
مش أنت اللي لسة في دروس مذاكرتهاش
مش أنت اللي الفيزياء مطلعه عينك
مش أنت معادلات الكيمياء ماسكه في خناقك
مش أنت لسه مراجعتش علي المواد
مش أنت شغال من ساعتها علي الموبايل
مش أنت شغال رغي من أصحابك
- ايوه أنا دا
طب مانت الوقتي خلصت نصف المشوار اعترفت بالتقصير ودا في حد ذاته انجاز
عارف أنت هتقوم الوقتي تصلي ركعتين لربنا وتسجد سجدة طويلة.وتطلع اللي جواك .. وبعدها هتمسك.كتابك ومش هتقوم من عليه غير اللي لما تخلص الماده دي
- بس كلهم بيقولوا اني مش هقدر
= هما مين دول
- أصحابي
= أصحابك دول كل واحد قايس الموضوع علي نفسه علشان كدا هو مش عارف لكن أنت هتقدر علشان خاطر أهلك ايوه للمره المليون في كل بوست علشان أهلك أنت عارف انهم هيبقوا مقهورين من جواهم لو فشلت بس مش هيظهروا دا قدامك
المفروض أنك بقيت كبير وعارف أن الناس دي محتاجه تفرح
ومن حقهم علي فكره
وأنت كمان لازم تثبت نفسك قدام كل الناس اللي راهنت علي فشلك وتقولهم انا وصلت وقدرت رغم أنكم قولتوا اني مش هقدر
- لا انا من اللحظه دي هرجع قوي هقوم أمسك كتابي ومش هسمع لاي.حد تاني وهقدر وهوصل وربنا هيساعديني وهيكرمني دا الموضوع كله كام شهر اي مش هقدر استحمل المده دي لابجد أنا هقوم وهذاكر بجد محدش أحسن مني في حاجة لا أنا مش هكسر بخاطر أهلي .. لا مش هخلي حد يفرح علي فشلي ... لا مش هستني حد يقولي معلش
انا لسه فيا صحة وفي وقت مذاكرش لية !!!
الحمدللة يارب أنك فوقتني قبل مالوقت يعدي يارب خليك معايا واكرمني مش علشاني لا ... علشان خاطرهم ايوه هما يستهلوا أنهم يفرحوا يارب عاملني بكرمك . يارب انا هبدا يجد وواثق انك هتكرمني بكرمك
تابعوا البيدج هتفيدكم جدا
Ahmed Mohammed
