مجالات عمل خريجي كلية العلوم :
- مجال التحاليل الطبية
- شركات الأدوية
- مندوب أدوية طبية " ميديكال ريب "
- الكيمياء الشرعية
- معاهد الأورام والسرطان
- البحث الجنائي في المستشفيات
- الحقن المجهري
- بنوك الدم
- المراكز الطبية لعلاج الأجنة
- معامل الميكروبيولوجي
- التصنيع الغذائي
- البتروكيماويات
- مراقبة الجودة والسلامة والصحة المهنية
- المجالات البيئية ومنظمات حماية البيئة  
- المجال البحثي
* المصانع :
- الأسمدة
- السكر
- الزيوت والدهون
- الصابون والمنظفات الصناعية
- الدهانات
- صناعة البطاريات
- السبائك والحديد والصلب
* مجال أكاديمي :  
- معيد  في كليات حكومية او خاصة
- مدرس في مدارس حكومية او خاصة " يلزم سنة تربوي "

( مجالات العمل لخريجي أقسام كلية العلوم )

اولا: اى قسم فى الكلية ممكن تشتغل منه: مديكال ريب *مندوب ادوية طبية* ، فى مراكز البحوث المختلفة ، فى المجال الاكاديمي ، معيد بالكلية سواء فى جامعة حكومية او خاصة ، مدرس فى اى مدرسة حكومية او خاصة بس لازم تاخد سنة تربية.
ثانيا: كل اقسام الكيمياء سواء منفرد او مزدوج تعمل فى مجال: توكيد ومراقبة الجودة ، السلامة والصحة المهنية ، المصانع والكيمياء الشرعية (كيمياء منفرد الافضل فيهم) ، شركات الادوية (حيوي وميكرو الافضل فيها) ، فى التحاليل الطبية داخل مصر كاخصائيين او دكاترة ، وحيوي وميكرو فقط اللى يعتبروا اخصائين او دكاترة تحاليل خارج مصر (زى السعودية) بعد ما يعملوا الماجستير او الدكتوراة وخريج اى قسم كيمياء تانى يعمل كفنى ، وكل خريجي المزدوج يعرفوا يشتغلوا شغل خريج كيمياء منفرد بس المنفرد بيفضل فى بعض الاماكن

( نيجي بقى للشغل الخاص بكل قسم )
1. ( كيمياء منفرد ) : شركات الاسمده ومستحضرات التجميل والسكر والمياة والكهرباء ومصانع الزيوت والدهون والصابون والمنظفات الصناعية والدهانات وصناعة البطاريات والسبائك والحديد والصلب
2. ( كيمياء / كيمياء حيوي ) : نفس شغل قسم الكيمياء + مصانع الادوية ، والمستحضرات الطبية ، ومعاهد الاورام ، ومعاهد السرطان ومصانع وشركات البتروكيماويات ومصانع الخميرة والادله الجنائيه والبحث الجنائي 
3. ( كيمياء / ميكروبيولوجي ) : نفس شغل قسم الكيمياء + مصانع الادويه ، فى المستشفيات ومعامل الميكروبيولوجي لانه بيدرس الكائنات اللي بتنتج المضادات الحيويه ، والمزارع البكتريه ، وفى تحليل الفيروسات والطحالب والفطريات ، شركات الكيماويات ، تنقيه المياه فى شركات المياة ، و شركات الاغذية ، و شركات الالبان 
4. ( كيمياء / حيوان ) : نفس شغل قسم الكيمياء + الحقن المجهري ، بنوك الدم ، اطفال الانابيب ، المراكز الطبية لعلم الاجنة 

5. ( بيوتكنولوجى ) : نفس شغل اقسام كيمياء حيوي وميكروبيولوجى وكيمياء حيوان و (بره مصر) بيشتغل فى المستشفيات لعلاج الامراض الوراثيه باستخدام تطبيقات البيوتكنولوجى فى الصناعة والزراعة وغيرها
6. ( كيمياء / نبات ) : نفس شغل قسم الكيمياء + معامل تطوير الزراعة وشركات الاسمدة والكيماويات والمجالات البيئية ومنظمات حماية البيئة وغيرهم.
7. ( كيمياء / حشرات ) : نفس شغل قسم الكيمياء + معامل البحوث الزراعيه ، وفى وزارة الزراعة ، ومصانع المبيدات الحشرية ، ومراكز مكافحة الحشرات وغيرها.
8. ( كيمياء / جيولوجيا ) : نفس شغل قسمى الكيمياء والجيولوجيا.
9. ( كيمياء / فيزياء ) : نفس شغل قسمى الكيمياء والفيزياء.
10. ( بيوفيزياء منفرد ) : المستشفيات والمعاهد الطبيه زي الاورام والليزر والقصر العينى و57357 ، البحوث النوويه ، بحوث الاشعاع والاشعاعات واثرها علي الخلايا ، المركز القومى للبحوث ، معهد بحوث امراض العيون ، التصوير الاشعاعى والعلاج الاشعاعى ، الطاقة النووية والذرية زى مركز البحوث النووية وشركات الاجهزة الطبية والمناظير 

11. ( فيزياء منفرد ) : معيد في اي جامعة خاصة وباحثين في مراكز البحوث ، في هيئة الطاقة النووية او في مصانع الاجهزه الكهربيه ومصانع الحديد والفحم ، في مدينة زويل او اعضاء هيئة تدريس فالجامعات او باحث في الجامعات الاجنبية وسيرن ووكالات الفضاء والمفاعلات النووية بس كل دة خارج مصر ، كفيزيائى طبى فى معاهد الاورام بره وجوه مصر وغيرها
12. ( فلك منفرد - فيزياء / فلك - *فيزياء / علوم جويه* ) : مرصد حلوان والقطامية وبمركز الاستشعار عن بعد وبالمركز القومي للبحوث الفلكية وهيئة الطاقة الشمسية والمركز القومي للفلزات ، *في برج المراقبه في المطار* وغيرها
13. ( جيولوجيا منفرد - بترول - جيوفيزياء منفرد ) : شركات البترول ، التعدين ، المياة ، المعادن ، المناجم ، الابار ، الاثار واى حاجة من تحت الارض ، الهيئة القومية للاستشعار عن بعد ، المراصد الجيولوجية والجيوفيزيقية.
14. ( حاسب منفرد - رياضة / علوم حاسب) : فى وحدات تكنولوجيا المعلومات ، مطور برامج ، مصمم او مطور شبكات ، مطور تطبيقات الموبايل ، مطور جافا ، مصمم قواعد بيانات وغيرها.
15. ( رياضة / فيزياء - رياضة / احصاء - رياضة منفرد ) : مدرس ، معيد ، باحث.

دليل كلية العلوم:


 بعض مجالات عمل العلميين فى مصر 

(وزاره الصحه وفي المجال الطبي)
في التحاليل الطبيه والتعرف وتشخيص علي الامراض عن طريق المعمل وهو مايسمى بالتشخيص المعملي وبمجال الاشعاع في علاج الاورام عن طريق الاشعاع

(الاشعه اللتشخيصيه)
لمعرفه وتشخيص الامراض عن طريق الاشعه وايضا في تخصص الطب النووي والرنين المغناطيسي.

(المستشفيات ومراكز اطفال الانابيب)
في تلقيح الحيوان المنوي بالبيويضه وتنميتها حتى مراحل معينه وتحت ظروف علميه وتكنولوجيه وباستخدام اجهزه دقيقه حتى تتم تنميتها للوصول لمرحله معينه ومن ثم اعطائها لطبيب نساء لادخالها داخل رحم الام.

(مراكز الاعصاب)
بعمل انسجه عصبيه في معمل الاعصاب يعنى لو واحد اتعور في حادثه وحاصله مشاكل عنده في الانسجه العصبيه فالانسجه العصبيه مش بتتجدد وبتموت فيقوم العلميين بعمل انسجه عصبيه في المعمل بتقنيات حديثه وتنميتها تحت ظروف علميه معينه ومن ثم اعطائها لطبيب جراح الاعصاب لزرعها في المريض.

(المستشفيات الخاصه)
بالتغذيه حيث مجال التغذيه العلاجيه فمثلا لو مريض بيعانى من مرض معين زى الضغط بيقوم اخصائي التغذيه بنصحه ايه الاكل للي ياكله وايه اللي مايكلوش.

(وزاره الداخليه)
في البحث الجنائي والتزيف والتزوير والكشف عن الجرائم.

(وزاره الدفاع)
في سلاح الحرب الكيمياويه وسلاح الحرب البيولوجيه وسلاح الحرب الاليكترنيه في كيفيه تصنيع وتطوير اسلحه وقنابل كيميائيه واسلحه ميكروبيه في حاله الحروب وايضا في الحرب الاليكترونيه عن طريق الهاكرز والبرمجه واختراق اجهزه الكمبيوتر

(وزاره العدل)
في مجال الطب الشرعى وبالتحديد في العلوم الشرعيه مثل الكيمياء الشرعيه والسموم والمخدرات الخ

(وزاره القوى العامله)
في مجال التفتيش علي صحه وسلامه العامليين داخل اي مكان به عامليين به مثل المستشفيات والمصانع الخ وتحرير محاضر للنيابه ويمنح سلطه الضبطيه القضائيه و له الحق في تحرير محاضر وتحويل صاحب المكان للنيابه اذا وجد اي خطر علي صحه وسلامه العامليين بالمكان وله الحق ايضا في غلق المكان والتفتيش علي رخصه المكان والرسوم الهندسي للمكان ومطابقتها بالواقع وله الحق بغلق المكان اذا ثبت عدم وجود ترخيص او وجود ضرر علي العامليين

(وزاره البترول)
في التحاليل الكيميائيه لخامات البترول وفصل مركبات البترول عن بعضها البعض وايضا في استكشاف مواقع وابار البترول.

(وزاره الماليه)
في معامل صك العمله اي تصنيع الفلوس.

(وزاره الكهرباء)
يعمل العلميين في تحليل المياه الداخله للمولادات الكهربيه لان وجود اي شوائب فيها يعنى انتقال الكهرباء في المياه وكهربه المكان كله وبالتالي يعمل العلميين في تنقيه المياه من اي شوائب او معادن.

( وزاره الصناعه )
يعمل العلميين في مجال التصنيع والتحليه فمثلا في مصانع الادويه يعمل في تصنيع الدواء عن طريق تحضيره وتركيبه كيميائيا او عن طريق تصنيعه عن طريق استخراج مواد كيميائيه من النباتات او الميكروبات وايضا يعملون في تحليل الادويه وجودتها وقياس نسب المركبات بها ومدى مطابقتها للمواصفات.

(الشركات)
يعمل العلميين في شركات الاصباغ والبويات في الاشراف علي تراكيب الاصباغ والبويات ويعملون في شركات المياه في تحليل المياه كيميائيا اي عدم وجود اي شوائب او عناصر كيميائيا او تحليتها ميكروبيا عن طريق عدم وجود اي ميكروب فيها ويعملون في الكثير من الشركات والمصانع مثل الاغذيه وتحليل الاغذيه.

(حفظ الاغذيه)
عن طريق تصنيع المواد الحافظه و يعملون في كتير من الشركات والمصانع في التصنيع والتحليل

(وزاره البحث العلمى)
في مراكز البحوث وفي وزاره التربيه والتعليم قد يعملون في التدريس

(وزاره التعليم العالي)
في التدريس للكليات العلوم والحاسبات والصيدله والطب والمعاهد

(وزارة التربية والتعليم)
فى التدريس فى المدارس بجميع مراحل التعليم ابتدائى واعدادى وثانوي

(وزاره البيئه)
في التفتيش علي حمايه البيئه من الملوثات ايا كانت.

(مجال الدعايا الطبيه والعلميه)
في شركات الادويه والاجهزه الطبيه وهى عن طريق وصف تراكيب الادويه واثاره الجانبيه للطبيب حتى يكتبه للمريض واعطائه فكره عن تركيب الدواء واثاره الجانبيه وكذالك ايضا في الاجهزه الطبيه والعلميه